મોરબી બ્રિજ દુર્ઘટના / હવે તો સરકાર પણ ઈચ્છે છે કે જયસુખ પટેલને જામીન મળે, તમે તો કહ્યું હતું ન્યાય અપાવીશું...: પીડિત પરિવારોએ PM અને CMને લખ્યો પત્ર

• મોરબી બ્રિજ દુર્ઘટનાના પીડિતનો CM અને PMને પત્ર
• આરોપીની જામીન અરજી પર વકીલે વિરોધ ન કરતા નારાજ
• પીડિત પરિવારને ન્યાય મળે તે માટે વકીલ આપવાની માગ

Morbi Bridge Collapse Case : મોરબી બ્રિજ દુર્ઘટનાના પીડીત પરીવારે રાજ્યના મુખ્ય મંત્રી ભૂપેન્દ્ર પટેલ અને દેશના વડાપ્રધાન નરેન્દ્ર મોદીને પત્ર લખી વિરોધ નોંધાવ્યો છે. પીડીત પરીવારે પત્ર લખી એવી રજૂઆત કરી છે કે, ઓરેવા ગ્રૂપના મેનેજીંગ ડિરેક્ટર જયસુખ પટેલની જામીન અરજીનો સરકારી વકીલે વિરોધ કર્યો નથી. પીડિત પરિવારનું કહેવું છે કે, સરકારી વકીલના નિર્ણયને સરકારના નિર્ણય તરીકે જોવાઇ રહ્યો છે. 

વાત જાણે એમ છે કે, મોરબી ઝૂલતા પુલ દુર્ઘટનાના આરોપી જયસુખ પટેલે જામીન અરજી કરી હતી. જે મામલે મોરબી ઝૂલતા પુલ દુર્ઘટના મામલે જયસુખ પટેલની જામીન અરજી પર ગુજરાત હાઈકોર્ટમાં સુનાવણી હાથ ધરવામાં આવી હતી. સરકારી વકીલે જામીન માટે પોતાનું સમર્થન દર્શાવ્યું હતું. આ બાબતે સરકારી વકીલે કહ્યું હતું કે, જયસુખ પટેલ નાસી છૂટે એવા આરોપી નથી. જયસુખ પટેલને જામીન મળે તેમાં સરકારને કોઈ વાંધો નથી. ચાર્જફ્રેમમાં લાંબો સમય લાગે તેમ છે. તેમજ કેસમાં ઘણા બધા સાક્ષીઓ હોવાને કારણે સમય લાગે એમ છે.જેલમાં રહેવાથી જયસુખ પટેલનાં ઉદ્યોગો પર અસર પડી રહી છે. 

આ તરફ હવે મોરબી બ્રિજ દુર્ઘટનાના પીડીત પરીવારે નારાજગી વ્યક્ત કરી CM અને PMને પત્ર લખ્યો છે. પત્રમાં તેમણે કહ્યું કે, પબ્લિક પ્રોસીક્યુટરે જામીન અરજીનો વિરોધ કર્યો નથી. જ્યારે ઓક્ટોમ્બર 2022માં દુર્ઘટના થઇ ત્યારે રાજ્ય સરકારે પીડીતોને આશ્વાસન આપ્યું હતું કે કોઇ જ ચમરબંધીને છોડવામાં આવશે નહિં આવે. પણ અહીં તેનાથી ઉલ્ટું થઇ રહી હોવાની ભીતિ પીડીતો ને સતાવી રહી છે. તેથી ન્યાય ના હક માં રાજ્ય સરકાર અને પબ્લિક પ્રોસીક્યુટર વર્તે તે અત્યંત જરૂરી છે. 

શું કહી રહ્યા છે પીડિત પરિવાર ? 
મોરબી બ્રિજ દુર્ઘટનાના પીડિત પરિવારે CM અને પ્રધાનમંત્રીને પત્ર લખ્યો છે. ઓરેવા ગ્રુપના MD જયસુખ પટેલને જામીન આપવાનો વકીલે વિરોધ ન કરતાં પરિવાર નારાજ થયો છે. હાઇકોર્ટમાં સરકારી વકીલે જયસુખ પટેલની જામીન અરજીનો વિરોધ ન કરતાં પત્ર લખ્યો હોવાનું સામે આવ્યું છે. પીડિત પરિવાર કહી રહ્યા છે કે, સરકારી વકીલના નિર્ણયને સરકારના નિર્ણય તરીકે જોવાઇ રહ્યો છે. સરકાર પણ જયસુખ પટેલને જામીન મળે તેવું ઇચ્છી રહી છે.