ચાંદ કમિટીનું એલાન / BIG NEWS : આજે ન દેખાયો ચાંદ, યુપી સહિત દેશમાં 3 મેના રોજ મનાવાશે ઈદ, બીજા બે તહેવારો પણ આ દિવસે

• રવિવારે ન દેખાયો ચાંદ
• હવે દેશમાં 3 મેએ મનાવાશે ઈદ
• ચાંદ કમિટીએ કર્યું એલાન 

મુસ્લિમોના પવિત્ર તહેવાર રમઝાનને અંત આવતી ઈદ હવે 3 મેના રોજ સમગ્ર દેશમાં ધામધૂમથી મનાવાશે. હકીકતમાં રવિવારે વાદળછાયા વાતાવરણની વચ્ચે ઈદનો ચાંદ દેખાયો નહોતો તેથી મુસ્લિમ બિરાદરો સોમવારે 30મો રોજો રાખશે અને મંગળવાર એટલે કે 3 મેના દિવસે યુપી સહિત સમગ્ર દેશમાં ઈદ મનાવાશે. મરકઝી ચંદ કમિટીના સદર મૌલાના ખાલિદ રશીદ ફરંગી મહાલીએ એક નિવેદન બહાર પાડીને જણાવ્યું કે 29મા રોજાના દિવસે શવ્વાલનો ચાંદ જોવા મળ્યો નથી એટલે સોમવારે 30મો રોજો રાખવામાં આવશે. 

રવિવારે યુપી સહિત દેશમાં ન દેખાયો ઈદનો ચાંદ 

આજે (રવિવારે) યુપીની રાજધાની લખનઉ સહિત દેશના કોઈ પણ ભાગમાં ચંદ્ર જોવા મળ્યો ન હતો. 

Eid-ul-Fitr, which marks the culmination of the month of Ramzan, will be celebrated in India on Tuesday as the moon was not sighted on Sunday evening: Fatehpuri Masjid Imam Mufti Mukarram Ahmad

— Press Trust of India (@PTI_News) May 1, 2022

જામા મસ્જિદ માર્કેટમાં ભારે ભીડ

દિલ્હીના જામા મસ્જિદ માર્કેટમાં મોટી સંખ્યામાં લોકો ખરીદી કરવા માટે આવી રહ્યા છે. અહીં ઈદ-ઉલ-ફિત્રના તહેવારે બજારમાં દુકાન ઉભી કરનાર ઉબેદ અંસારીએ જણાવ્યું હતું કે છેલ્લા બે વર્ષથી લોકડાઉન અને કોરોનાને કારણે ઘરે ઘરે ઈદની ઉજવણી કરવામાં આવી રહી હતી, પરંતુ આ વર્ષે ઈદ પર લોકોના ચહેરા સ્પષ્ટ જોઈ શકાય છે. લોકો ખૂબ જ ખરીદી કરી રહ્યા છે અને આ વખતે બજારમાં ઘણી ભીડ છે.

જાણો ઈદમાં શું મહત્વ હોય છે ચાંદનું
સામાન્ય રીતે, રમઝાન અને ઈદ ઉલ ફિત્રનો ચાંદ સૌથી પહેલા સાઉદી અરેબિયા, યુએઈ અને ભારતના કેટલાક વિસ્તારો, બ્રિટન, અમેરિકા અને ઓસ્ટ્રેલિયામાં દેખાતો હોય છે અને ત્યાર બાદ બીજા દિવસે સમગ્ર ભારતમાં જોવા મળતો હોય છે. આરબ રાષ્ટ્રોમાં 2 મેના દિવસે ઈદ મનાવાશે. જો 1 મેના દિવસે ચાંદ જોવા મળ્યો હોત તો ભારત અને સાઉદી અરેબિયાના મુસ્લિમો સૌથી દુર્લભ કેસના સાક્ષ બનેત એટલે કે એ જ દિવસે ઈદ મનાવેત. જો ભારત, પાકિસ્તાન, બાંગ્લાદેશ, શ્રીલંકા અને સાઉથ એશિયાના બીજા દેશોમાં ચાંદ જોવા ન મળે તો 2 મેના દિવસને રમઝાનનો છેલ્લો દિવસ જાહેર કરી દેવાત અને બીજા દિવસ એટલે કે મંગળવારે ઈદના તહેવારની ઉજવણી થાત.  

ઈદની સાથે અક્ષય તૃતિયાનો પણ તહેવાર
ઉલ્લેખનીય છે 3 મેના દિવસે ઈદની સાથે અક્ષય તૃતિયાનો પણ તહેવાર છે. દર વર્ષે વૈશાખ મહિનાના શુક્લ તૃતિયા તિથિએ અક્ષય તૃતિયા મનાવાય છે. આ દિવસે સોના, ચાંદી, મકાન, વાહન વગેરેની ખરીદી કરવી શુભ ગણાય છે. તે દિવસે 3 મેના રોજ પરશુરામ જયંતિ પણ મનાવાશે.