- વરસાદી સિઝન ડેન્ગ્યુ, મેલેરિયા, શરદી, ફ્લૂ જેવી અનેક બીમારીઓ પણ લઈને આવે છે.
- મશરૂમ જમીનમાં સીધા ઉગે છે તે ઇન્ફેક્શન માટે વધુ સંવેદનશીલ હોય છે.
- સલાડને પણ આ સિઝનમાં ખાવાનું ટાળવુ જોઈએ
Monsoon Health Tips: ભારતના મોટાભાગના રાજ્યોમાં ચોમાસાનું આગમન થઇ ચુક્યુ છે. ચોમાસાના આગમનની સાથે જ ગરમીથી તો રાહત મળે છે, પરંતુ આ સિઝન ડેન્ગ્યુ, મેલેરિયા, શરદી, ફ્લૂ જેવી અનેક બીમારીઓ પણ લઈને આવે છે. આરોગ્ય નિષ્ણાતો હંમેશા ચોમાસામાં ઘરને સ્વચ્છ રાખવા અને ખાવા-પીવામાં ખાસ ધ્યાન રાખવાની સલાહ આપે છે. આ સિઝનમાં સ્વાસ્થ્ય પ્રત્યે બેદરકારી ન રાખવી જરૂરી છે. ચોમાસામાં સૌથી વધુ ચેપ બહારના ખોરાક અથવા ઓઇલી ફૂડ જેવા કે સમોસા, પકોડા, ચાટ વગેરેથી ફેલાય છે. આવો જાણીએ રોગોથી બચવા માટે વરસાદમાં શું ન ખાવું જોઈએ?
1. લીલા શાકભાજી
આ વરસાદી સિઝનમાં લીલા શાકભાજી જેવા કે કોબીજ, લીલી ભાજી, પાલક વગેરે ન ખાવા જોઈએ. નિષ્ણાંતોના મતે વરસાદની સિઝનમાં બેક્ટેરિયા અને ફંગસ ઇન્ફેક્શનું જોખમ વધી જાય છે. પાંદડાવાળા શાકભાજીમાં જંતુઓ ઝડપથી વધવા લાગે છે. વરસાદની સિઝનમાં આ ખાવાથી પેટ ખરાબ થઈ શકે છે, તેથી વરસાદમાં આવા શાકભાજીથી દૂર રહો.
2. તળેલો અને મસાલેદાર ખોરાક
વરસાદની મોસમમાં તળેલા અને મસાલેદાર ખોરાક ખાવોનું ટાળવુ જોઇએ. આ પ્રકારનો ખોરાક શરીરમાં ચરબી અને પિત્તને વધારે છે, જે શરીર માટે ખૂબ જ નુકસાનકારક છે. એટલા માટે પકોડા, સમોસા કે તળેલી વસ્તુઓ પણ ટાળવી જોઈએ જે ડાયરિયા અને ડાયજેશનને ખરાબ કરે છે.
3. મશરુમ
ડોકટરોનું કહેવું છે કે વરસાદની સિઝનમાં મશરૂમનું સેવન ટાળવું જોઈએ. મશરૂમ જમીનમાં સીધા ઉગે છે તે ઇન્ફેક્શન માટે વધુ સંવેદનશીલ હોય છે.
4.દહીં
વરસાદમાં ડેરી પ્રોડક્ટ્સ જેમ કે દહીંનો ઉપયોગ ન કરવો જોઈએ કારણ કે, તેમાં બેક્ટેરિયા પણ હોય છે જે આ સિઝનમાં સ્વાસ્થ્ય માટે યોગ્ય માનવામાં આવતી નથી.
5. સી ફૂડ
ચોમાસાની સિઝનમાં માછલી અથવા પ્રોન્સ જેવા સીફૂડ ખાવાનું ટાળો કારણ કે આ સિઝનમાં દરિયાઈ જીવો માટે પ્રજનનનો સમય હોય છે. આ જ કારણ છે કે, આ સિઝનમાં માછલી ખાવાથી ફૂડ પોઈઝનિંગનો ખતરો વધી શકે છે.
6. નોનવેજ
વરસાદની મોસમમાં આપણું પાચનતંત્ર ખૂબ જ નબળું પડી જાય છે, તેથી ભારે ખોરાક પચાવવામાં મુશ્કેલી પડે છે. આવી સ્થિતિમાં આસિઝનમાં નોન-વેજ ખાવાનું ટાળો. આવી સ્થિતિમાં વધારે ચરબી કે રેડ મીટ ખાવાનું પણ ટાળવું જોઈએ.
7. સલાડ
સલાડ સ્વાસ્થ્ય માટે ફાયદાકારક માનવામાં આવે છે, સલાડને પણ આ સિઝનમાં ખાવાનું ટાળવુ જોઈએ. માત્ર સલાડ જ નહીં, વરસાદની સિઝનમાં કાચું ખાવાનું ટાળો. આ સિવાય કાપેલા ફળો અને શાકભાજીનું સેવન ન કરો કારણ કે તેમાં પણ કીડાનો ખતરો છે.
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.
