- પાકિસ્તાનીઓ છે ચુગલખોર
- સજદા કરવા પર શમીએ તોડી ચુપ્પી
- કહ્યું- મુસ્લિમ અને ઈન્ડિયન હોવા પર ગર્વ
ભારતીય ક્રિકેટ ટીમના સ્ટાર ફાસ્ટ બોલર મોહમ્મદ શમી માટે છેલ્લા 2 મહિના ખૂબ જ સારા રહ્યા. વર્લ્ડ કપ 2023ની શરૂઆતી 4 મેચોમાં બહાર બેઠા બાદ શમીએ ટીમમાં વાપસી કરતા જ ધમાકેદાર પ્રદર્શન કર્યું અને ટીમને ફાઈનલ સુધી પહોંચાડી. શમીના જોરદાર પ્રદર્શનની દરેક લોકોએ પ્રસંશા કરી.
પરંતુ પાકિસ્તાનથી તેમને લઈને નફરત ભર્યા નિવેદનો થઈ રહ્યા છે અને ખોટી અફવાહો પણ ઉડાવવામાં આવી રહી છે. આવી જ એક અફવાની ખબર પર મોહમ્મદ શમીએ હવે જડબાતોડ જવાબ આપ્યો છે અને સાથે જ કહ્યું છે કે પાકિસ્તાનીઓને ફક્ત ચુગલખોરીથી પ્રેમ છે.
સજદાને લઈને પાકિસ્તાનમાં અફવાહ
વર્લ્ડ કપમાં શ્રીલંકાના સામે મેચમાં શમીએ 5 વિકેટ મેળવી હતી. પોતાની 5મી વિકેટ લીધા બાદ શમી મેદાન પર જ ઘુટણના સહારે માથુ ઝુકાવીને બેઠા હતા. તેમના બન્ને હાથ મેદાન પર જ હતા. પછી તે અચાનક ઉઠી ગયા. હવે આ ફોટોને પાકિસ્તાની પત્રકારો અને ફેંસે એવુ કહીને વાપરલ કરી નાખ્યું કે શમી સજદા કરવા માંગતા હતા પરંતુ ભારતમાં હોવાના કારણે તેમણે આમ ન કર્યું.
"જ્યાં ઈચ્છુ ત્યાં સજદા કરી શકુ છું"
એક મહિના સુધી આ મામલામાં કંઈ ન કહેનાર શમીએ હવે આખા પાકિસ્તાનની બોલતી બંધ કરી નાખી છે અને કહ્યું છે કે જો તેમને સજદા કરવા હોત તો જરૂર કરત અને કોઈ તેમને રોકી ન શકત.
એક ઈન્ટરવ્યૂમાં શમીને જ્યારે પાકિસ્તાનીઓની આ હરકરત વિશે પુછવામાં આવ્યું તો ભારતીય પેસરે કહ્યું કે તેમને મુસલમાન હોવા પર ગર્વ છે અને ભારતીય હોવા પર પણ ગર્વ છે. શમીએ કહ્યું કે જ્યારે પણ ઈચ્છે ભારતમાં કોઈ પણ મંચ પર સજદા કરી શકે છે અને કોઈ તેમને નહીં રોકી શકે.
પાકિસ્તાનને ફક્ત ડિસ્ટર્બ કરવું પસંદ
તેમણે કહ્યું કે જો તેને સજદા કરવા માટે કોઈની પરવાનગી લેવાની જરૂર પડત તો તે ભારતમાં થોડી રહેતા હોત. તેમણે કહ્યું કે પાકિસ્તાનીઓના વિચાર ફક્ત ડિસ્ટર્બ કરવાના હોય છે અને તેમને ચુગલખોરીથી પ્રેમ છે.
શમીએ સવાલ ઉભો કર્યો કે શું ક્યારેય કોઈએ પહેલા તેમને મેદાન પર સજદા કરતા જોયા છે? 5 વિકેટ તો તે પહેલા પણ ઘણી વખત લઈ ચુક્યા હતા.
