ફાયદાની વાત / મહિલાઓ માટે કેન્દ્ર સરકાર લાવી છે જોરદાર સ્કીમ, સીધા ખાતામાં આવી જશે 5 હજાર રૂપિયા, જુઓ કઇ રીતે

• મહિલાઓના હિતને ધ્યાનમાં રાખીને અનેક યોજનાઓની શરૂઆત
• ગર્ભાવસ્થા દરમિયાન આંશિક વળતર તરીકે આપવામાં આવે છે સહાય
• 3.11 કરોડથી વધુ લાભાર્થીઓને મળ્યો આ યોજનાનો લાભ

કેન્દ્ર સરકારે મહિલાઓના હિતને ધ્યાનમાં રાખીને અનેક યોજનાઓની શરૂઆત કરી છે. અહીંયા આ પ્રકારની એક યોજના પ્રધાનમંત્રી માતૃ વંદના યોજનાની વાત કરવામાં આવી રહી છે. આ યોજના ગર્ભવતી મહિલઓને આર્થિક રૂપે સશક્ત કરે છે. 1 જાન્યુઆરી 2017થી આ યોજનાની શરૂઆત કરવામાં આવી હતી. વર્ષ 2022માં મિશન શક્તિના એક ઘટક તરીકે સંશોધિત કરવામાં આવી. 

આ યોજનાનો મુખ્ય ઉદ્દેશ્ય મહિલાઓને ગર્ભાવસ્થા દરમિયાન મજૂરી હાનિના આંશિક વળતર આપવાનો છે. જેથી મહિલાઓ બાળકના જન્મ પહેલા અને જન્મ પછી આરામ કરી શકે. આ યોજનાની મદદથી ગર્ભવતી મહિલાઓ તથા સ્તનપાન કરાવનાર માતાના આરોગ્યમાં સુધારો થઈ શકે છે. સામાજિક અને આર્થિક રૂપે નબળી મહિલાઓને બે હપ્તાના ભાગરૂપે 5,000 રૂપિયાનો લાભ આપવામાં આવે છે. 

હવે બીજા બાળક માટે પણ આ યોજનાનો લાભ મળી શકે છે. આ યોજનાની શરૂઆતથી અત્યાર સુધી 3.11 કરોડથી વધુ લાભાર્થીઓને કુલ 14,103 કરોજ રૂપિયાની રકમનું વિતરણ કરવામાં આવ્યું છે અને નાણાંકીય સહાય પ્રદાન કરવામાં આવી છે. આ યોજનાની મદદથી કન્યા ભ્રૂણ હત્યાને હતોસ્તાહિત કરીને શ્રમ બળની ભાગીદારી વધારીને લિંગ અનુપાતમાં સુધારો પણ તઈ શકશે. ઉપરાંત રસીકરણ, ગર્ભાવસ્થા અને સંસ્થાગત જન્મ માટે રજિસ્ટ્રેશનને પણ પ્રોત્સાહન આપે છે.