પ્રોત્સાહક પહેલ / BHIM UPIથી ટ્રાન્ઝેક્શન કરનાર લોકોના આવી ગયા સારા દિવસ, મોદી કેબિનેટે લીધો મોટો નિર્ણય

• લોકોને ઓનલાઈન ટ્રાન્ઝેક્શન તરફ વળતા કરવા મહત્વનું પગલું 
• BHIM UPIથી ટ્રાન્ઝેક્શન કરનાર લોકો માટે મોદી કેબિનેટનો નિર્ણય 
• BHIM UPIથી ટ્રાન્ઝેક્શન કરનારને મળશે પ્રોત્સાહન રકમ 
• 2600 કરોડ રૂપિયાના ઈન્સેન્ટીવને આપી  મંજૂરી 

ઓનલાઈન ટ્રાન્ઝેક્શનને પ્રોત્સાહન આપવા અને વધારેમાં વધારે લોકો રોકડને બદલે ઓનલાઈન ટ્રાન્ઝેક્શન તરફ વળે એ માટે કેન્દ્ર સરકારે એક મહત્વનો નિર્ણય લીધો છે. પ્રધાનમંત્રી મોદીની અધ્યક્ષતામા બુધવારે કેન્દ્રીય કેબિનેટે BHIM UPIથી ટ્રાન્ઝેક્શન કરનાર માટે 2600 કરોડના ઈન્સેન્ટીવ પેકેજને લીલીઝંડી આપી દીધી છે. બેઠક બાદ કેન્દ્રીય મંત્રી ભૂપેન્દ્ર યાદવે આ નિર્ણયની જાણકારી આપી હતી. 

Cabinet approved setting up of a national level Multi-state cooperative export society under Multi-State Cooperative Societies (MSCS) Act, 2002. It'll help in achieving the goal of 'Sahakar Se Samriddhi ' through the inclusive growth model of cooperatives: Union Minister B Yadav pic.twitter.com/KGJVsPjisp

— ANI (@ANI) January 11, 2023

ઓનલાઈન ટ્રાન્ઝેક્શન કરનારને મળશે પ્રોત્સાહન લાભ 
મોદી કેબિનેટે ઓછા ખર્ચવાળા ડિજિટલ ટ્રાન્ઝેક્શન માટે 2600 કરોડ રૂપિયાના પ્રોત્સાહનને પેકેજને મંજૂરી આપી હોવાથી હવેથી ઓનલાઈન ટ્રાન્ઝેક્શન કરનાર લોકોને રોકડનો લાભ મળશે. 

લોકોને શું લાભ મળશે
કેબિનેટની બેઠક બાદ ભૂપેન્દ્ર યાદવે જણાવ્યું હતું કે રુપે કાર્ડ દ્વારા ડિજિટલ પેમેન્ટ પર 0.4 ટકાનું પ્રોત્સાહન આપવામાં આવશે. ભીમ યુપીઆઈ 20 રૂપિયાથી નીચેના વ્યવહારો પર 0.25 ટકાનું પ્રોત્સાહન આપશે. યાદવે કહ્યું કે આ પ્રોત્સાહન ભીમ યુપીઆઈ જેવા કે વીમા, મ્યુચ્યુઅલ ફંડ, જ્વેલરી, પેટ્રોલિયમ પ્રોડક્ટ્સ અને અન્ય સેગમેન્ટ્સ દ્વારા ઉદ્યોગના ઉપયોગ માટે ડિજિટલ ચુકવણી માટે 0.15 ટકા નક્કી કરવામાં આવ્યું છે.

બેંકોને નાણાકીય પ્રોત્સાહન
કેન્દ્રીય કેબિનેટના આ નિર્ણય હેઠળ બેંકોને નાણાકીય પ્રોત્સાહન પણ આપવામાં આવશે. આના દ્વારા તમે પોઈન્ટ ઓફ સેલ (પીઓએસ) અને ઈ-કોમર્સ ટ્રાન્ઝેક્શન પર અલગ અલગ રીતે પ્રોત્સાહન મેળવી શકશો જે રૂપે કાર્ડ દ્વારા કરવામાં આવશે. ઓછા મૂલ્યના ભીમ-યુપીઆઈ ટ્રાન્ઝેક્શન પર પણ તમને કેટલાક પ્રોત્સાહનો મળશે. ભૂપેન્દ્ર યાદવે જણાવ્યું હતું કે યુપીઆઈ પેમેન્ટ દ્વારા કરવામાં આવેલા ટ્રાન્ઝેક્શનની સંખ્યા ડિસેમ્બરમાં ઘટીને 12 લાખ કરોડ રૂપિયા થઈ ગઈ છે, જે દેશના કુલ જીડીપીના લગભગ 54 ટકા છે. 

Cabinet approves Rs 2,600 crore incentive scheme to promote Rupay debit card, BHIM UPI transactions: Union Minister Bhupender Yadav

— Press Trust of India (@PTI_News) January 11, 2023

ત્રણ બહુસ્તરીય સહકારી મંડળીઓની રચના 
કેન્દ્રીય કેબિનેટે બીજો એક મોટો નિર્ણય લેતા ત્રણ બહુસ્તરીય સહકારી મંડળીઓની રચનાને પણ મંજૂરી આપી દીધી છે. 

પીએમ ફ્રી ગ્રેઈન સ્કીમનું નામ બદલવાનો નિર્ણય
મોદી કેબિનેટે પીએમ ફ્રી ગ્રેઈન સ્કીમનું નામ બદલવાનો નિર્ણય કર્યો છે. હવેથી પીએમ ગરીબ કલ્યાણ અન્ન યોજના કાર્યક્રમનું નામ બદલવામાં આવશે. અગાઉની કેબિનેટમાં મફત ભોજન યોજનાને એક વર્ષ માટે લંબાવવામાં આવી હતી. 23 ડિસેમ્બરે મળેલી કેન્દ્રીય કેબિનેટની બેઠક બાદ ખાદ્ય મંત્રી પીયૂષ ગોયલે કહ્યું હતું કે રાષ્ટ્રીય ખાદ્ય સુરક્ષા કાયદા હેઠળ ગરીબોને અનાજ મફતમાં આપવામાં આવશે.