Good News / ગુજરાતના પશુપાલકોને ન્યૂયર ગિફ્ટ: આ ડેરીએ ખરીદભાવમાં કર્યો વધારો, જુઓ કેટલો લાભ થશે

• દૂધ સાગર ડેરીની પશુપાલકોને દિવાળીની ભેટ
• દૂધના ખરીદ ભાવમાં કરાયો રૂ.10નો વધારો
• 21 ઓક્ટોબરથી વધારેલા ભાવથી દૂધની કરાશે ખરીદી 

મહેસાણાની દૂધ સાગર ડેરીએ પશુપાલકોને ભેટ આપી છે.  દૂધ સાગર ડેરીએ દૂધના ખરીદ ભાવમાં વધારો કર્યો છે. હવે પશુપાલકોને કિલો ફેટ દીઠ 750ના બદલે રૂ.770 ચૂકવાશે. આ નિર્ણયથી પ્રતિ કિલો ફેટ 20 રૂપિયા વધુ મળશે. 

દૂધ સાગર ડેરીની જાહેરાત બાદ પશુપાલકો આનંદમાં
દૂધ સાગર ડેરીમાં દરરોજ લાખો લિટર દૂધની આવક નોંધાય છે. જેનો વિવિધ પ્રોડ્કટ બનાવવા માટે ઉપયોગ કરવામાં આવે છે. ત્યારે સતત દૂધની માંગ અને વપરાશ વચ્ચે દૂધ સાગર ડેરીએ પશુપાલકોના હિતમાં મોટો નિર્ણય લીધો છે. ડેરી દ્વારા દૂધના ભાવમાં વધારો કરવામાં આવ્યો છે. પહેલા દૂધનો ભાવ પ્રતિ કિલો ફેટે 750 રૂપિયાને બદલે 1 જાન્યુઆરીથી 20 રૂપિયાનો વધારો કરીને 770 રૂપિયા પ્રતિ કિલો ફેટે વધારો આપવામાં આવશે. 

1 જાન્યુઆરીથી નવો ભાવ વધારો અમલીકરણમાં મુકાશે
છેલ્લા 23 મહિનામાં દૂધના કિલો ફેટના ભાવમાં  120 રૂપિયા જેટલી વધારો કર્યો છે.  આ જાહેરાત બાદ પશુપાલકો આનંદની લાગણી અનુભવી રહ્યા છે. દૂધ સાગર ડેરીના આ નિર્ણયથી 6 લાખ 50 હજાર પશુપાલકોને ફાયદો થશે. નવા વર્ષ એટલે કે 1 જાન્યુઆરીથી નવો ભાવ વધારો અમલીકરણમાં મુકાશે. 

બનાસ ડેરીએ દૂધના ખરીદ ભાવમાં કર્યો હતો વધારો
આ પહેલા બનાસ ડેરીએ દૂધના પ્રતિ કિલો ફેટના ખરીદ ભાવમાં રૂ.30નો વધારો કર્યો હતો, પહેલા પ્રતિ કિલો ફેટ પર રૂ.760 ચૂકવવામાં આવતા હતા જે હવે રૂ.790 ચૂકવાશે, ચાલુ વર્ષમાં સતત ચોથીવાર ખરીદભાવમાં વધારાથી પશુપાલકો ખુશ-ખુશ થઈ ગયા હતા.