- રાશિમાં મંગળ 1 જુલાઈથી 17 ઓગસ્ટ સુધી રહેશે
- આ ગોચરથી 3 રાશિના જાતકોને થશે લાભ
- લાંબા સમયથી અટકેલા કાર્યો પૂર્ણ થશે, અને તમારા પ્રયત્નો સફળ થશે
Mangal Grah Gochar: વૈદિક જ્યોતિષમાં મંગળને ગ્રહોનો સેનાપતિ માનવામાં આવે છે. મંગળ ગ્રહ રક્તનો કારક છે અને આ સાહસ અને પરાક્રમને પ્રદર્શિત કરે છે. આ વર્ષે 2023માં 1 જુલાઈના રોજ મંગળ સિંહ રાશિમાં પ્રવેશ કરશે. આ રાશિમાં મંગળ 1 જુલાઈથી 17 ઓગસ્ટ સુધી રહેશે. સિંહ રાશિ સૂર્યની માનવામાં આવે છે. જ્યારે મંગળ સૂર્યની રાશિમાં પ્રવેશ કરશે, તો એનો પ્રભાવ અલગ અલગ રાશિઓ પર જોવા મળશે, પરંતુ કેટલીક રાશિઓ એવી પણ છે, જેને મંગળના આ ગોચરથી ઘણો ફાયદો થશે. તો આવો જાણીએ કે, જ્યોતિષ અનુસાર, તે કઈ ત્રણ રાશિ છે.
1. વૃષભ રાશિ
મંગળ ગ્રહના આ ગોચરથી વૃષભ રાશિના જાતકોને લાભ મળવાનો છે. સિંહ રાશિમાં મંગળનું આ ગોચર વૃષભ રાશિના લોકો માટે સૌભાગ્ય લાવશે. આ રાશિમાં મંગળ કુંડળીના ચોથા ભાવમાં રહેશે. આ સમય દરમિયાન તમે કોઈપણ ઈચ્છિત વાહન ખરીદી શકો છો. તમે તમારા આરામમાં વધારો અનુભવશો. પરિવાર સાથે સારો સમય પસાર થશે. આ દરમિયાન તમને તમારી માતાનો સંપૂર્ણ સહયોગ મળશે. આર્થિક સ્થિતિમાં સુધારો થશે અને અણધાર્યા નાણાંકીય લાભ થઈ શકે છે.
2. સિંહ રાશિ
સિંહ રાશિના લોકો માટે મંગળનું આ ગોચર શુભ રહેશે. આ રાશિમાં ચોથા અને નવમા ઘરનો સ્વામી મંગળ છે. મંગળના આ ગોચર દરમિયાન તમે ઉર્જાવાન અને સ્વસ્થ અનુભવ કરશો કે તમે તમારા હાથમાં જે પણ કામ લેશો તે સફળતાપૂર્વક પૂર્ણ કરી શકશો. ભાગ્ય તમારો સાથ આપશે ચોથા ભાવમાં મંગળની દૃષ્ટિને કારણે સિંહ રાશિના જાતકોને જમીન, વાહન અને પૈસાની બાબતમાં લાભ થશે. અચાનક નાણાકીય લાભ થવાની સંભાવના છે.
3. ધન રાશિ
ધન રાશિના જાતકો માટે મંગળનું આ ગોચર અનુકુળ થવા જઇ રહ્યુ છે. મંગળ ધન રાશિના નવમા ભાવમાં ગોચર કરી રહ્યો છે. જે ભાગ્ય અને આધ્યાત્મિકતા માટે અનુકૂળ છે. આ દરમિયાન તમને તમારા ભાગ્યનો પૂરો સાથ મળશે. લાંબા સમયથી અટકેલા કાર્યો પૂર્ણ થશે, અને તમારા પ્રયત્નો સફળ થશે. તેની સાથે પરિવારમાં કોઈ સાંસ્કૃતિક કે શુભ કાર્યક્રમ પણ થઈ શકે છે. વિદ્યાર્થીઓ અભ્યાસ માટે વિદેશ જવાના સપના જોતા હોય છે, તેથી આ સમય તેમના માટે અનુકૂળ છે.
DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી અમારી નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
