BIG BREAKING / તમિલનાડુમાં ભયંકર માર્ગ અકસ્માત: બે બસો વચ્ચે ધડાકાભેર ટક્કર થતા 5ના મોત, 50થી વધુ ઇજાગ્રસ્ત

• તમિલનાડુમાં ગંભીર રોડ અકસ્માત
• બે બસ ચેન્નાઈ-બેંગ્લોર નેશનલ હાઈવે પર અથડાઈ
• અકસ્માતમાં 5 લોકોના મોત, 50થી વધુ ઘાયલ

Tamil Nadu accident news: તમિલનાડુમાં મોટી દુર્ઘટનાની જાણકારી સામે આવી છે. બે બસ વચ્ચે ગંભીર અકસ્માત સર્જાયો છે. પાપ્ત માહિતી મુજબ આ રોડ અકસ્માતમાં 5 લોકોના કમકમાટી ભર્યા મોત થયા છે જ્યારે 50થી વધુ લોકો ઘાયલ થયા છે. તમામ ઈજાગ્રસ્તોને તિરુપત્તુર જિલ્લાની વાનીયમબાડી સરકારી હોસ્પિટલમાં અને વેલ્લોરની સરકારી મેડિકલ કોલેજ હોસ્પિટલમાં દાખલ કરવામાં આવ્યા છે. 

Tamil Nadu | Five people including two drivers have died in a collision between a Tamil Nadu government bus and a private vehicle near Vaniyambadi of Thirupathur District. Case registered: Police

— ANI (@ANI) November 11, 2023

ચેન્નાઈ-બેંગ્લોર નેશનલ હાઈવે વચ્ચે અકસ્માત
પોલીસના જણાવ્યા અનુસાર, શનિવારે વહેલી સવારે ચેન્નાઈ-બેંગ્લોર નેશનલ હાઈવે પર સરકારી બસ અને અન્ય બસ ધડાકાભેર અથડાઈ હતી. જે ગંભીર અકસ્માતના પગલે પાંચ લોકોના મોત થયા છે જ્યારે 50થી વધુ ઈજાગ્રસ્ત થયા છે. સમાચાર એજન્સીના જણાવ્યા અનુસાર બંને બસનો આગળનો ભાગ સંપૂર્ણપણે ભાગીને ભૂકા થઈ ગયા છે. પોલીસે ઘટનાસ્થળે દસ એમ્બ્યુલન્સ મારફતે ઘાયલોને હોસ્પિટલ પહોંચાડવામાં મદદ કરી હતી. 

STORY | Five killed, 60 injured as two buses collide in Tamil Nadu's Tirupattur district

READ: https://t.co/XDz2hCVdWF

(PTI Photo) pic.twitter.com/F1ZKzTDfKh

— Press Trust of India (@PTI_News) November 11, 2023

 

પોલીસે મૃતકોની ઓળખ કરી 
પોલીસના જણાવ્યા અનુસાર, મૃતકોમાં 32 વર્ષીય રિતિકા, વાનિયમબાડીના 37 મોહમ્મદ ફિરોઝ, SETC બસ ડ્રાઈવર કે. ઈલુમલાઈ અને ચિત્તૂરના બી અજીથનું ઘટનાસ્થળે જ મોત થયું હતું. જ્યારે ઓમ્નિબસ ડ્રાઈવર એન સૈયદનું પાછળથી મૃત્યુ થયું હતું. એક પોલીસ અધિકારીએ જણાવ્યું હતું કે, આ અકસ્માત સવારે 4 વાગ્યાની આસપાસ થયો હતો. સરકારી બસ અને ઓમ્નિબસની ટક્કરથી લોકોના મોત થયા હતા.