Coronavirus / ઠાકરે સરકારનો મોટો નિર્ણય, મહારાષ્ટ્રમાં આ તારીખ સુધી લોકડાઉન લંબાવાયું

• કોરોના વાયરસનો કહેર યથાવત 
• મહારાષ્ટ્રમાં 30 એપ્રિલ સુધી લંબાવાયું લોકડાઉન 
• મહારાષ્ટ્રમાં કોરોનાના વધતા કેસને લઇને લેવાયો નિર્ણય 

મહારાષ્ટ્રમાં કોરોના વાયરસના કેસ દિવસને દિવસે વધી રહ્યા છે. ખાસ કરીને ધારાવીમાં પણ હવે કોરોના સંક્રમિતો જોવા મળી રહ્યો છે, રાજ્યના મુખ્યમંત્રી ઉધ્ધવ ઠાકરેના નિવાસસ્થાન માતોશ્રી નજીક ચા વેચતા એક શખ્સને કોરોના પોઝિટિવ આવતા સમગ્ર વિસ્તારને સીલ કરવામાં આવ્યો છે. આ તમામ ઘટનાઓને ધ્યાને લેતા મહારાષ્ટ્રની ઠાકરે સરકારે લોકડાઉનનો સમયગાળો આગામી 30 એપ્રિલ સુધી લંબાવવાની જાહેરાત કરી હતી. 

શુક્રવારે હોસ્પિટલનો સ્ટાફ થયો છે કોરોના સંક્રમિત 

Maharashtra will continue to be locked down till 30th April. The state will show the way to the country even in these tough times: Maharashtra CM Uddhav Thackeray#COVID19 pic.twitter.com/zx4PlHQd0U

— ANI (@ANI) April 11, 2020

મુંબઇમાં કોરોના વાયરસ દર્દીઓમાં વધારો થઈ રહ્યો છે. આ સાથે મેડિકલ સ્ટાફમાં પણ કોરોનાનું સંક્રમણ ફેલાઇ રહ્યું છે. શુક્રવારે હોસ્પિટલોમાં 19 આરોગ્ય કર્મચારીઓને કોરોના ચેપ લાગ્યો હતો. આ સાથે ચેપગ્રસ્ત તબીબી કર્મચારીઓની સંખ્યા લગભગ 100 પર પહોંચી ગઈ છે.

કોરોનાનો દર છઠ્ઠો દર્દી મહારાષ્ટ્રનો 

મહારાષ્ટ્ર પબ્લિક હેલ્થ ડિપાર્ટમેન્ટે કોરોના વાયરસના 31 માર્ચ પહેલાના કેટલાક આંકડાનું તારણ કાઢ્યુ છે. જેમાં તેઓ જણાવે છે કે કેવી રીતે અલગ અલગ ઉંમરના વર્ગના લોકો આ  વાયરસનો શિકાર બની રહ્યા છે. 

CM Uddhav Balasaheb Thackeray addressing the State https://t.co/vkTgkJqohP

— CMO Maharashtra (@CMOMaharashtra) April 11, 2020

મહારાષ્ટ્રમાં 30 માર્ચ સુધી કુલ દર્દી આવ્યા હતા. તેમાંથી 21થી 30 વર્ષના 46 દર્દી, 31થી 40 વર્ષના  47 દર્દી, 41થી 50 વર્ષના 48, 51થી 60 વર્ષના 31 દર્દી, 61થી 75 વર્ષના 25 તો 1થી 10 વર્ષના 7 દર્દીઓ હતા. જેનાથી એ સ્પષ્ટ થયું છે કે મહારાષ્ટ્રમાં બાળકોથી લઈને વૃદ્ધ સુધીના તમામ ઉંમરના લોકો તેનો ભોગ બન્યા છે. 

સરકારે માસ્કનો ફરજીયાત ઉપયોગ નહીં કરનારની ધરપકડ કરવાના આપ્યા આદેશ 

• 1, જો તમારામાંથી કોઈ પણ વ્યક્તિ હેતુ અથવા કારણોસર કોઈ જાહેર સ્થળે જેમ કે હોસ્પિટલ, ઓફિસ, બજાર અથવા રસ્તા પર જાય છે, તો ચોક્કસપણે માસ્ક પહેરે. માસ્ક 3 પ્લાય અથવા કાપડ હોવું જોઇએ. માસ્ક પહેરવું ફરજિયાત છે.
• 2, જો કોઈ ઓફિસની કારમાં અથવા તેના અંગત વાહનમાં મુસાફરી કરી રહ્યું હોય, તો પણ માસ્ક પહેરવું ફરજિયાત છે.
• 3,જો કોઈ વ્યક્તિ કોઈ સાઇટ / ઓફિસ / અન્ય કોઈ જગ્યાએ કામ કરે છે, તો પણ તેને હંમેશાં માસ્ક પહેરી રાખવું ફરજીયાત છે.
• 4, માસ્ક પહેર્યા વગર કોઇ વ્યક્તિ ન તો કોઇ મીટિંગ અટેન્ડ કરી શકશે કે પછી તે આવી જગ્યાએ જઇ શકશે.
• 5, આ માસ્ક સ્ટાન્ડર્ડ માસ્ક છે અને તે દવાની દુકાનમાં મળશે. પરંતુ, જો આ ઉપલબ્ધ ન હોય તો, પછી તમે ઘરે માસ્ક બનાવીને પહેરી શકો છો. હોમમેઇડ માસ્ક ધોઇ શકાય છે અને તેનો ફરીથી ઉપયોગ કરી શકાય છે.