Coronavirus / આ રાજ્યમાં લોકડાઉન 4 આવી શકે છે, રાજ્યના મુખ્યમંત્રીએ મેના અંત સુધી લોકડાઉન લંબાવવાના આપ્યા સંકેત

• કન્ટેનમેન્ટ વિસ્તારોમાં એસઆરપીએફ તૈનાત કરવામાં આવશે
• મુખ્યમંત્રી ઉદ્ધવ ઠાકરે લોકડાઉન વધારવા માગે છે
• વિપક્ષે આપી સલાહ, કહ્યું આ રીતે પરિસ્થિતિને સાચવો

ખાસ કરીને મુંબઈ અને પુણે જેવા મોટા શહેરી વિસ્તારોમાં જ્યાં મહારાષ્ટ્રના કુલ કેસોના 90 ટકા કેસ નોંધાયા છે. નોંધનીય છે કે લોકડાઉન 3.0ની સમય મર્યાદા 17 માર્ચે પૂર્ણ થઈ રહી છે.

તમામ વિપક્ષી પાર્ટીઓના નેતાઓએ પાર્ટી લાઇનથી વિરુદ્ધ જઈને  કેવી રીતે વધુ સારી રીતે પરિસ્થિતિનું સંચાલન કરી શકાય છે તે અંગે સરકારને સૂચન કર્યુ હતું. વિધાનસભાના વિપક્ષી નેતા અને ભાજપના નેતા પ્રવિણ ડારેકર અને વંચિત બહુજન અઘાડીના નેતા પ્રકાશ આંબેડકરએ કહ્યું કે મુખ્યમંત્રી લોકડાઉન વધારવા માગે છે.

ડારેકરે કહ્યું કે મુખ્યમંત્રીએ કહ્યું કે રાજ્યની પરિસ્થિતિ નાજુક છે અને મેના અંત સુધીમાં આ કેસો વધી શકે છે. તેમણે ધ્યાન દોર્યુ હતુ કે લોકડાઉન લંબાવી શકાય એમ છે.

આંબેડકરે કહ્યું કે મુખ્યમંત્રીએ અમને રાજ્ય દ્વારા લેવામાં આવતા પગલાઓ વિશે જણાવ્યું કે એવી ધારણા હતી કે મેના અંત સુધીમાં કોરોના કેસોમાં વધારો થઈ શકે. તેમણે ધ્યાન દોર્યુ હતું કે લોકડાઉન વધી શકે છે.

કોરોના વિશે મુખ્ય મંત્રીએ સલાહ આપનારા લોકોમાં મહારાષ્ટ્ર નવનિર્માણ સેના (મનસે) ના વડા રાજ ઠાકરે પણ હતા. તેમણે કહ્યું કે એસઆરપીએફને ખાસ કરીને મુંબઈમાં કન્ટેનમેન્ટ વિસ્તારોમાં તૈનાત કરવી જોઈએ. કેટલાક અન્ય નેતાઓએ ફસાયેલા સ્થળાંતર કરનારાઓ અને વહીવટમાં સંકલનના અભાવની વાત કરી હતી. ઉલ્લેખનીય છે કે દેવેન્દ્ર ફડણવીશે દારુની દુકાન ખોલવાના નિર્ણયને અયોગ્ય ગણાવ્યો હતો. જ્યારે રાજ ઠાકરેએ બેઠકમાં માસ્ક પહેર્યુ નહોતું.