NULL / બેઠાં-બેઠાં આ વૃદ્ધ દંપતિ 186 કરોડ કમાયું દોડાવ્યું એવું ભેજું કે બનશે તેમના પર ફિલ્મ

અમેરિકાના મિશિગનમાં રહેનાર એક દંપતીએ તાજેતરમાં ખુલાસો કર્યો છે કે તેમણે છેલ્લા નવ વર્ષમાં ૨.૬ કરોડ ડોલર (૧૮૬ કરોડ રૂપિયા) લોટરીથી જીત્યા છે. આ રકમ તેમણે કોઇ હેરફેર નહીં પરંતુ ગણિતની તરકીબો અને લોટરી સિસ્ટમની એક નાનકડી ખામીના કારણે જીતી છે.

૮૦ વર્ષના જેરી સેલ્બી અને ૮૧ વર્ષના માર્જ સેલ્બીના જણાવ્યા મુજબ લોટરી રમતાં પહેલાં તેઓ ઇવાર્ટ શહેરમાં એક દુકાન ચલાવતા હતા. ૬૦ની ઉંમર પાર થતાં તેઓ રિટાયર્ડ થઇ ગયા અને તેમણે સ્ટોર વેચી દીધો. ૨૦૦૩માં જેરી પોતાના જૂના સ્ટોરમાં કંઇક ખરીદવા આવ્યા તો તેમને ત્યાં વિન્ડફોલ લોટરીનું બ્રોસર મળ્યું.

જેરીના જણાવ્યા મુજબ કોલેજના સમયથી તે ગણિતમાં ખૂબ જ સારા હતા. આવા સંજોગોમાં લોટરીનું બ્રોસર વાંચીને તેમને રસ જાગ્યો. જેરીને વિશ્વાસ થઇ ગયો કે તેમને આ લોટરીથી ખૂબ જ ફાયદો થઇ શકે છે.

તે પણ સરળ ગણિત દ્વારા. તેમણે પોતાની પત્ની સાથે લોટરી ખરીદવાનું નક્કી કર્યું. જેરીએ ઇન્ટરવ્યૂમાં કહ્યું કે લોટરી જીતવી એટલું સરળ ન હતું કેમ કે તેમાં ૫૦ લાખ ડોલર લિમિટ રખાઇ હતી.

લોટરીની વેલ્યૂ ૫૦ લાખ ડોલર પહોંચવા સુધી કોઇ પણ તમામ છ નંબર ડ્રોના નંબરો સાથે મેચ ન થયા તો આ રકમ એ લોકોની વચ્ચે વહેંચવામાં આવે છે જેને પાંચ ચાર કે ત્રણ નંબર પણ તેની સાથે મેચ થાય છે.

લોટરીમાં જેરીએ પહેલી વાર ૩૬૦૦ ડોલરની ટિકિટ ખરીદી. ગણિતનો ઉપયોગ કરીને તેણે ૬૩૦૦ ડોલરની કમાણી કરી. ત્યાર પછી પત્નીની મદદથી લોટરીમાં ૮૦૦૦ ડોલર લગાવ્યા અને તેના બદલામાં બે ગણી રકમની કમાણી કરી.

જેરી અને માર્જે જણાવ્યું કે ખૂબ જલદી તેઓ લોટરીમાં હજારો ખર્ચીને લાખોનો નફો મેળવી રહ્યાં હતાં. તેમણે એક ઇન્વેસ્ટમેન્ટ કંપની પણ ખોલી તેમાં સંબંધીઓ અને મિત્રોના પૈસા લગાવીને તેમને પણ લોટરી જીતાડતા હતા.  વિન્ડફોલ લોટરી બંધ થઇ ગઇ

પરંતુ મેસેચ્યુસેટ રાજ્યમાં તેવી જ લોટરી લાંબા સમયથી ચાલતી હતી. દંપતીએ નક્કી કર્યું કે જરૂર પડશે તો ૧૪ કલાકની લાંબી સફર કરીને મેસેચ્યુસેટ જશે અને ત્યાં ટિકિટ ખરીદીને પૈસા જીતશે. આટલી લાંબી સફર કાપ્યા બાદ તેઓ એક હોટલમાં ૧૦ કલાક ટિકિટોનું ગણિત લગાવતાં અને પૈસા જીતતાં હતાં.

જેરીએ એક શોમાં જણાવ્યું કે ૯ વર્ષમાં લોટરી જીતીને તેમણે પોતાનાં છ બાળકો ૧૪ પૌત્રો અને ૧૦ પ્રપૌત્રોનો ખર્ચ ઉઠાવ્યો. સેલ્બી દંપતીથી પ્રભાવિત થઇને હવે ફિલ્મ મેકર્સ તેમની જિંદગી પર ફિલ્મ બનાવી રહ્યા છે.