Ashes 2023 / VIDEO: જમીન પર પડેલી વસ્તુ મોઢામાં નાખી દીધી, લાબુશેને મેદાનમાં નાના છોકરા જેવો કર્યો વ્યવહાર, જુઓ વીડિયો

• માર્નસ લાબુશેન મેદાનમાં બન્યો નાનો છોકરો
• જમીનથી ઉઠાવીને ચ્યુઇંગમને મોંમાં દબાવી 

ઈંગ્લેન્ડ અને ઓસ્ટ્રેલિયાની વચ્ચે 'ધ એશિઝ' 2023ની બીજી મેચ 28 જૂનથી લોર્ડ્સમાં રમાઈ રહી છે. આ ઐતિહાસિક મેચમાં ટોસ હાર્યા બાદ પ્રથમ બેટિંગ કરવા ઉતરેલી ઓસ્ટ્રેલિયન ટીમ પ્રથમ દાવમાં 416 રન જ બનાવવામાં સફળ થઇ છે. ટીમ માટે મિડલ ઓર્ડરમાં સારી બેટિંગ કરતી વખતે અનુભવી બેટ્સમેન સ્ટીવ સ્મિથે સદી ફટકારી હતી. તેમના સિવાય ટ્રેવિસ હેડ અને ડેવિડ વોર્નરે અર્ધસદી ફટકારી હતી.

Gum incident pic.twitter.com/XKgEkBzr6t

— stu media acct (@stuwhymedia) June 29, 2023

આ ત્રણ બેટ્સમેન સિવાય એવરગ્રીન બેટ્સમેન માર્નસ લાબુશેનનું બેટ પણ જોરદાર રમ્યો હતો. પોતાની ટીમ માટે ત્રીજા નંબર પર બેટિંગ કરતા તેણે 93 બોલમાં 47 રનની મહત્વપૂર્ણ ઇનિંગ રમી હતી. જોકે તે માત્ર ત્રણ રનથી પોતાની અડધી સદી ચૂકી ગયો હતો.

લાબુશેન લોર્ડ્સમાં રમાયેલી આ શાનદાર ઇનિંગ્સ કરતાં માટે વધુ ચર્ચામાં હતો. હકીકતમાં મેચ દરમિયાન, પિચ પર પડેલી ચ્યુઇંગમને ફરીથી ઉપાડીને નાના બાળકની જેમ ખાતો જોવા મળ્યો હતો. આ સમયના કેટલાક વીડિયો પણ સોશિયલ મીડિયા પર ખૂબ જ ઝડપથી વાયરલ થઈ રહ્યા છે.

આ મેચની વાત કરીએ તો ઓસ્ટ્રેલિયાએ પહેલી ઇનિંગ્સમાં બનાવેલા 416 રનના જવાબમાં ઈંગ્લેન્ડે પણ ધમાકેદાર શરૂઆત કરી છે. બીજા દિવસના અંતે ઇંગ્લિશ ટીમે ચાર વિકેટના નુકસાન પર 278 રન બનાવી લીધા છે. કેપ્ટન બેન સ્ટોક્સ મેદાનમાં હેરી બ્રુક (45) સાથે 57 બોલમાં 17 રન બનાવીને અણનમ છે. પહેલી ઇંનિગ્સના આધારે ઇંગ્લિશ ટીમ હજુ પણ 138 રન પાછળ છે.