Janmashtami 2023 / કૃષ્ણ જન્માષ્ટમીની પૂજામાં ભૂલથી પણ ન કરતા આ ભૂલો, બાળગોપાલ થઈ જશે નારાજ

• ભગવાન શ્રી કૃષ્ણની પૂજામાં ન કરતા આ ભૂલો 
• નહીં તો નારાજ થઈ શકે છે બાળગોપાલ 
• પૂજાનું ફળ નહીં મળે લાગશે પાપ 

ભગવાન શ્રી કૃષ્ણ વિશે માન્યતા છે કે તે જેટલી સરળતાથી ભક્તોની શ્રદ્ધાને જોઈને ખુશ થઈ જાય છે તેટલી જ જલ્દી નારાજ પણ થઈ જાય છે. શ્રી કૃષ્ણ એક એવા દેવ છે જેમની પૂજા સંપૂર્ણ વિધિ વિધાનથી કરવામાં આવે છે. જન્માષ્ટમીનો પર્વ ખૂબ જ ખાસ છે. કારણ કે આ દિવસે તેમનો જન્મ થયો હતો. 

માન્યતા છે કે આ દિવસે જે પણ ભક્ત સાચ્ચા મનથી ભગવાન કૃષ્ણની પૂજા-અર્ચના કરે છે ભગવાન શ્રી કૃષ્ણ તેમની દરેક મનોકામના પૂરી કરે છે. આ વર્ષની જન્માષ્ટમી ખૂબ જ ખાસ છે. કારણ કે આ વર્ષે ઘણા શુભ સંયોગ એક સાથે આવી રહ્યા છે. જો તમે પણ બાળગોપાલને પ્રસન્ન કરવા માંગો છો તો આ ભુલો ક્યારેય ન કરતા. 

કૃષ્ણની પૂજામાં ન કરો આ ભુલો 
કૃષ્ણની પૂજા સંપૂર્ણ વિધિ વિધાન અને ખાસ નિયમોથી સાથે કરવામાં આવે છે. આ નિયમોનું પાલન કરીને જો વ્રત-પૂજા કરવામાં આવે તો ઈચ્છા અનુસાર ફળ મળે છે. પૂજામાં ભૂલથી પણ ન કરો આ ભુલો. 

1. કાન્હાની પૂજામાં કાળા કપડા ન પહેરો, આ ખૂબ જ અશુભ માનવામાં આવે છે. 
2. આ દિવસે વ્રત કરતા લોકો ભૂલથી પણ તામસક વસ્તુઓ જેમ કે લસણ, ડુંગળી, માંસાહાર અને દારૂનું સેવન ન કરો.
3. તમે વ્રત કરો છો તો બ્રહ્મચાર્યનું પાલન કરો. જો તમે વ્રત નથી કરતા તે બસ પુજા કરો. ત્યારે પણ શરીર અને તન-મનમાં શુદ્ધતા રાખો. 
4. પૂજામાં કોઈ પણ વાસી કે કરમાયેલા ફૂલ ન ચડાવો, તેનાથી જીવનમાં અશુભતા આવે છે. શ્રી કૃષ્ણને અગસ્ત્યનું ફૂલ ન ચડાવવું જોઈએ. 
5. જન્માષ્ટમીના દિવસે ભૂલથી પણ ગાયને પરેશાન ન કરો. આમ કરવાથી ભગવાન શ્રી કૃષ્ણ નારાજ થઈ જાય છે. 
6. આપણે બધા જાણીએ છીએ કે શ્રી કૃષ્ણ ભગવાન વિષ્ણુના આઠમાં અવતાર છે માટે તેમની પૂજામાં કોઈ પણ પ્રસાદ કે ભોગ તુલસીના પાન વગર અધુરો છે. 
7. જન્માષ્ટમીના દિવસે તુલસી ન તોડો, પૂજાના એક દિવસ પહેલા જ તુલસી તોડીને મુકી દો. 
8. વ્રતના દિવસે શ્રી કૃષ્ણના જન્મ પહેલા એટલે કે 12 વાગ્યા પહેલા વ્રત ન રાખો, તેનાથી તમારી પૂજા અને વ્રતનું ફળ નહીં મળે. 
9. આ દિવસે કોઈ પણ વ્યક્તિનું અપમાન ન કરો. જો ભૂલ થઈ જાય તો તે વ્યક્તિની માફી માંગી લો.