રાજકોટ / કોટડાસાંગાણીના દેતડીયાની સીમમાં પોલીસ ત્રાટકી, પછી જે થયું તેની કલ્પના પણ નહિ હોય

• ગોંડલનાં  કોટડાસાંગાણીમાં જૂગારધામ પર છાપો 
•  દેતડીયા ગામની સિમમાંથી 28 જૂગારી ઝડપાયા 
• 13 વાહનો, 29 મોબાઈલ ઝડપાયા,4 જૂગારી ફરાર 

રાજકોટ જિલ્લાના કોટડાસાંગાણી વિસ્તારમાંથી ધમધમતો જુગારનો અડ્ડો ઝડપાતા ચકચાર મચી ગઈ છે.કહેવાય છે કે, લાંબા સમયથી ધમધમતા આ અડ્ડા સામે સ્થાનિકોની નારાજગી હોવા છતાં કેટલાક સંયોગવશ પગલાં લેવાતા નહોતા. અથવા આંખ આડા કાન કરવામાં આવતા હતા. દેતડીયા ગામની સિમમાં ખરાબાની જગ્યામાં  જાહેરમાં જુગાર રમાતો હોવાની બાતમીના આધારે ગોંડલ ડિવિઝનના DySPએ જુગારના અડ્ડા પર દરોડા પાડ્યા હતા. 

ઘટનાની વિગત પ્રમાણે ગોંડલ DYSP પી.એ.ઝાલાને  દેતડીયા ગામની સિમમાં ખરાબાની જગ્યામાં જુગાર રમાતો હોવાની મળેલી બાતમી આધારે કાર્યવાહી કરવામાં આવતા 28 શખ્સોને જુગાર રમતા દેતળિયાની સિમ માંથી રંગેહાથ ઝડપી લેવાયા હતા. 28 જેટલા જૂગારીયાઓ સાથે 13 વાહનો, 29 મોબાઈલ સહિતનો મુદ્દામાલ પણ કબ્જે લેવાયો હતો. જૂગાર ધામ પર કાર્યવાહીમાં ગોંડલ તાલુકા પોલીસ, આટકોટ અને કોટડાસાંગાણી પોલીસ પણ ઘટનાસ્થળે પહોચ્યા હતા. 28 જુગારીઓને ઝડપીને કાર્યવાહી હાથ ધરાઈ હતી, તો ચાર જૂગારી ફરાર થવામાં સફળ રહ્યા હતા. કહેવાય છે કે, ભગવતપરામાં રહેતા કાસમ લાખાણી નામનો શખ્સ આ જગ્યાએ જુગાર રમાડતો હતો.