મા ગંગાનો ખોળો ખૂંદતી ચાલી મેટ્રો / VIDEO : કોલકાતા મેટ્રોએ રચ્યો ઈતિહાસ, નદીની નીચે દોડી પહેલી મેટ્રો, ચકિત થઈ જવાય તેવો વીડિયો

• કોલકાતા મેટ્રોએ ઇતિહાસ રચ્યો
• ગંગા નંદી નીચેથી હાવડા મેદાન સુધી પ્રથમ મેટ્રો દોડી
• ભારતનો પ્રથમ અંડરવોટર મેટ્રો પ્રોજેક્ટ

કોલકાતા મેટ્રોએ ગંગા નદીની નીચે સડસડાટ દોડીને ઇતિહાસ રચી દીધો છે. લાં...બી... રાહ જોયા બાદ આજે આ ગૌરવવંતો અવસર પ્રાપ્ત થયો હતો. આજે ગંગા નંદી નીચેથી હાવડા મેદાન સુધી પ્રથમ મેટ્રો દોડી હતી. જેને લઈને મેટ્રો જાણે મા ગંગાનો ખોળો ખૂંદતી હોય તેવા અદ્દભુત અને નયનરમ્ય દ્રશ્ય સર્જાયા હતા. જે ભારતનો પ્રથમ અંડરવોટર મેટ્રો પ્રોજેક્ટ છે. કોલકાતા મેટ્રો રેલ્વેના જનરલ મેનેજર પી. ઉદયકુમાર રેડ્ડી સહિતના આગેવાનો આ ઐતિહાસિક ક્ષણના સાક્ષી બન્યા હતા. વધુમાં ટ્રેન આવ્યા બાદ રેડ્ડીએ હાવડા સ્ટેશન પર પૂજાઅર્ચના કરી હતી.

Kolkata Metro creates History!For the first time in India,a Metro rake ran under any river today!Regular trial runs from #HowrahMaidan to #Esplanade will start very soon. Shri P Uday Kumar Reddy,General Manager has described this run as a historic moment for the city of #Kolkata. pic.twitter.com/sA4Kqdvf0v

— Metro Rail Kolkata (@metrorailwaykol) April 12, 2023

નદીની નીચે દોડતી મેટ્રોએ ઇતિહાસ રચ્યો

કોલકાતાના BBDબાગ મહાકરણથી હાવડા મેદાન સુધી મેટ્રો રેલવેની રેક નંબર MR-612 એ પ્રથમ યાત્રા કરી હતી. આ ટ્રેને સવારે 11.55 વાગ્યે ગંગા નદી પાર કરી હતી. આ અવસરે જનરલ મેનેજર પી. ઉદયકુમાર રેડ્ડી સાથે મેટ્રોના એડિશનલ જનરલ મેનેજર એચએન જયસ્વાલ, કોલકાતા મેટ્રો રેલવે કોર્પોરેશન લિમિટેડના એમડી અને મેટ્રોના અન્ય આગેવાનોએ હાજરી આપી હતી. 

સાત મહિના સુધી ચાલશે ટ્રાયલ રન 
આ ઐતિહાસિક ઘટના જનરલ મેનેજરે જણાવ્યું હતું કે હાવડા મેદાનથી એસ્પ્લેનેડ સુધીની ટ્રાયલ રન આગામી સાત મહિના સુધી ચાલુ રહેશે. જેમાં સફળતા સાપડ્યા બાદ રેલવે વિભાગ દ્વારા અહીં નિયમિત સેવાઓ શરૂ કરવામાં આવશે. KMRCLના તમામ કર્મચારીઓ, એન્જિનિયરો જેમના પ્રયત્નો અને દેખરેખ હેઠળ આ એન્જિનિયરિંગ અજાયબી પ્રાપ્ત થઈ છે. તેની ખુશી વ્યક્ત કરી આ સફળતાને ક્રાંતિકારી પગલું ગણાવ્યું હતું.