સોનાની ખરીદી / ટૅન્શન ન લો હવે દુકાને જવાની જરૂર નથી! ઘરે બેઠા પણ આ રીતે ખરીદી શકો છો સોનુ, જાણો પ્રોસેસ

• હવે સોનું તમે ઘર બેઠાં ગુગલ પે પરથી ખરીદી શકશો
• ગુગલ પે ખરીદેલા સોનાને સંગ્રહ કરવાની આપે છે સુવિધા
• જાણો, ગુગલ પે પરથી સોનું ખરીદવાની શું છે પ્રોસેસ

ગુગલ પે પરથી સોનું ખરીદી શકશો

ગુગલ પેની જેમ પેમેન્ટ વોલેટ પેટીએમ પણ આ સુવિધા આપે છે. આ પેમેન્ટ વોલેટ દ્વારા ગ્રાહક ડિઝીટલ ગોલ્ડની ખરીદી કરી શકે છે. ડીજીટલ ગોલ્ડને ખરીદવુ અને સ્ટોર કરવુ બંને સરળ છે. જેના પર રિટર્ન પણ સારું મળે છે. ફિજીકલ ગોલ્ડ જેવી જ્વેલરી, આભૂષણ, બિસ્કીટ અથવા બારની વાત કરીએ તો સોનાને ઘરમાં રાખવાથી કોઈ રિટર્ન મળતુ નથી. પરંતુ ડિઝીટલ ગોલ્ડની સાથે આ વાત નથી. ગુગલ પે દ્વારા ડીજીટલ ગોલ્ડ ખરીદી શકો છો તો આ પ્લેટફોર્મ પરથી સોનું વેચી શકો છો. જેના માટે તમારે બીજે ક્યાય જવાની કે ગ્રાહક શોધવાની જરૂર નથી.

ડીજીટલ ગોલ્ડને સરળતાથી સ્ટોર કરી શકો છો

ગુગલ પે ગ્રાહકોને એમએમટીસી-પીએમએમપી ઈન્ડિયા પ્રાઈવેટ લિમિટેડ પરથી સોનું ખરીદવાની તક આપે છે. ગુગલ પેની સાથે પોતાનું ખરીદવામાં આવેલુ ડીજીટલ ગોલ્ડ સ્ટોર પણ રાખી શકો છો. ગુગલ પેમાં એક ગોલ્ડ લોકર મળી રહ્યું છે, જ્યાં પોતાના ખરીદેલા ડિજીટલ ગોલ્ડને સરળતાથી સ્ટોર કરીને રાખી શકો છો. આ એપ દ્વારા જેટલા પણ ડીજીટલ ગોલ્ડ ખરીદવામાં આવ્યાં છે, તેને તમે સુરક્ષિત રાખી શકો છો. જે લોકરમાં તમે ડીજીટલ ગોલ્ડ મુક્યુ છે, એ જ લોકરમાં એમએમટીસી-પીએએમપીને વેચી પણ શકો છો.

કેવીરીતે ખરીદશો સોનું

સૌપ્રથમ ગુગલ પે એપ ખોલો
સ્ક્રીનના બોટમ પર new payment લખ્યું હશે, જેના પર ક્લિક કરો
સર્ચ બારમાં જુઓ, gold locker લખેલુ દેખાશે, તેના પર ક્લિક કરો
હવે gold locker પર ક્લિક કરો
Buy બટન પર ક્લિક કરો, જેની સાથે માર્કેટના વર્તમાન ભાવ જોવા મળશે. તેમાં ટેક્સ પણ સામેલ હશે
જેવી ગોલ્ડની ખરીદી શરૂ કરશો, ત્યાં દેખાતી કિંમત 5 મિનિટ માટે લોક થઇ જશે
જેટલા રૂપિયાનું ડીજીટલ ગોલ્ડ ખરીદવા ઈચ્છો છો, તેને નોંધો
હવે ચેક માર્ક પર ક્લિક કરો
હવે proceed બટન પર ક્લિક કરો અને ટ્રાન્જેક્શન પ્રોસેસને પૂર્ણ કરો
ટ્રાન્જેક્શન જેવુ ઓકે થશે, તેની થોડી મિનિટો બાદ તમારા લોકરમાં ડીજીટલ ગોલ્ડ જોવા મળશે

કેટલું સોનું ખરીદી શકાય?

ગૂગલ પે દ્વારા કોઈ ગ્રાહક કેટલું સોનું ખરીદી શકે છે અથવા સંગ્રહ કરી શકે છે, તેની કોઈ ઓવરઓલ મર્યાદા નથી. જોકે, એક દિવસમાં 50,000 રૂપિયાથી વધુનું ડીજીટલ ગોલ્ડ ખરીદવાની મનાઈ છે. ઓછામાં ઓછું 1 ગ્રામ ડીજીટલ ગોલ્ડ ખરીદવાનો નિયમ છે. જેનાથી ઓછી ખરીદી ના કરી શકાય. જેમાં કેવાઈસીના નિયમનું પાલન કરવુ જરૂરી છે. જો કોઈ ગ્રાહક 49,999 રૂપિયાથી વધારે સોનું ખરીદે છે તો તેણે કેવાઈસીના નિયમોનું પાલન કરવુ પડશે.