ગુજરાતના યુટ્યૂબર ખજૂરભાઈ એટલે નીતિન જાની. તેઓ યુટ્યૂબરની સાથે સમાજસેવી તરીકે પણ ઉભરી આવ્યા છે. આખા ગુજરાતમાં તેઓ હાલ લોકપ્રિય બન્યા છે. ત્યારે હવે ખજૂરભાઈએ ફરી લોકોના દિલ જીત્યા છે. ત્યારે જાણો હવે શું સેવાકાર્ય કર્યું છે. જિગલી એન્ડ ખજૂર ફેઈમ નીતિન જાની કે જેને લોકો ગુજરાતના સોનુ સૂદ પણ કહે છે. કારણ કે તેઓએ અનેક નિરાધાર લોકોને પોતાના ઘરના ઘર બનાવી આપ્યા છે. ત્યારે એકવાર ફરી નીતિન જાનીએ બોટાદ જિલ્લાના સરવા ગામમાં માનસિક રીતે અસ્થિર યુવાનની મદદ કરી તેના પરિવારને ઘરનું ઘર બનાવી આપી માનવતાની મિસાલ કાયમ કરી છે.
છેલ્લાં 6 વર્ષથી 22 વર્ષનો એક યુવાન બાવળના ઝાડ સાથે બંધાયેલો
જણાવી દઇએ કે, બોટાદ જિલ્લાનું સરવા ગામ કે જે બોટાદથી 30 કિમી દૂર થાય છે અને સાળંગપુરથી 40 કિમી દૂર થાય છે અને પાળિયાદથી 10 કિમી થાય છે. આ ગામમાં મહેશ અણિયાણિયા નામનો 22 વર્ષો કોળી પટેલનો પુત્ર કે જે છેલ્લાં 6 વર્ષથી બાવળના ઝાડ નીચે સાકળથી બંધાઇને રહે છે. પછી ભલે ઉનાળો હોય કે શિયાળો કે ચોમાસું. જો કે, અહીં દુ:ખની વાત એ છે કે, આજ દિન સુધી તેને અને તેના પરિવારને કોઇએ પણ મદદ કરવાની કોશિશ ન હોતી કરી. તેનો પરિવાર પણ ઘણી વાર લોકો પાસે મદદ માંગી ચૂક્યો છે.
મા-બાપની સ્થિતિ પણ ખૂબ ખરાબ છતાં અત્યાર સુધી કોઇ તેઓની વ્હારે ના આવ્યું
તમને જણાવી દઇએ કે, બોટાદ તાલુકાનું છેવાડે આવેલા સરવા ગામે ખેતી કરીને પોતાનું ગુજરાન ચલાવનાર પ્રાગજીભાઈ કે જેઓને બે દીકરા છે અને એક પત્ની છે. સાથે વાડીએ રહેતા પ્રાગજીભાઈનો પુત્ર મહેશ કે જે 22 વર્ષનો છે. પ્રાગજીભાઈના કહેવા મુજબ, 'મહેશ છેલ્લાં 6 વર્ષથી નગ્ન અવસ્થામાં ઝાડ સાથે બાંધેલી હાલતમાં રહે છે. તેની માનસિક સ્થિતિ પણ ખૂબ ખરાબ છે.' તેના મા-બાપની સ્થિતિ પણ ખૂબ ખરાબ છે. તેમ છતાં કોઇ પણ વ્યક્તિ તેઓની વ્હારે ના આવ્યું.
જો કે, આવાં ખરા સમયે ગરીબ અને દુ:ખિયા લોકો માટે મસીહા બનીને વ્હારે આવતા ખજૂર ઉર્ફે નીતિન જાનીએ આ ઘટનાની જાણ થતા જ તેઓ તે છોકરાને અને તેના પરિવારને મદદ કરવા દોડી પહોંચ્યા. સૌરાષ્ટ્રમાં ગરીબ લોકો માટે જાણે કે ભગવાન હોય તેમ લોકોની મુશ્કેલીની માહિતી મળતા જ મદદ કરવા ખજૂર ઉર્ફે નીતિન જાની અને તેની ટીમ તુરંત ઘટનાસ્થળે પહોંચી જાય છે. ત્યારે સરવા ગામે પ્રાગજીભાઈને વાડી ખાતે તેમનો પુત્ર મહેશ કે જે 22 વર્ષનો છે અને છેલ્લાં 6 વર્ષથી નિર્વસ્ત્ર હાલતમાં ઝાડ નીચે જ રહે છે. તેવી માહિતી મળતા જ નીતિન જાની ઉર્ફે ખજૂરભાઈ અને તેમની ટીમ સરવા ગામ ખાતે પહોંચી ગઇ અને તેઓએ પ્રાગજીભાઈના પરિવારની મુલાકાત કરી. આ સાથે મહેશને પણ ખજૂર ઉર્ફે નીતિન જાનીએ મુલાકાત કરી. એ દરમ્યાન માનસિક રીતે અસ્થિર મહેશે ખજૂર પર પથ્થર ફેંકવાની કોશિશ કરી તેમ છતાં ખજૂર ઉર્ફે નીતિન જાનીએ તેને પાણી પણ પીવડાવ્યું અને ઉલ્ટાની મદદ પણ કરી.
ખજૂરભાઈ અને તેમની ટીમ દ્રારા મકાન બનાવવાની કામગીરી હાથ ધરાઇ
બાદમાં સમગ્ર સ્થતિ જાણી અને પરિવારને રહેવા માટે મકાન, પાણી અને લાઈટની જરૂરિયાત હોય તેવી રજૂઆત કરતા તાત્કાલિક ધોરણે ખજૂરભાઈ અને તેમની ટીમ દ્રારા સાથે મળી મકાન બનાવવાની કામગીરી હાથ ધરવામાં આવી. ખજૂરભાઇની આ કામગીરીથી મહેશનો પરિવાર અને ગામનાં સભ્યોએ પણ ખુશી વ્યક્ત કરી હતી ત્યારે બીજી બાજુ ખજૂરભાઈએ 22 વર્ષીય મહેશની આ હાલત જોઈને દુઃખ વ્યક્ત કર્યું હતું. મહત્વનું છે કે, નીતિનભાઈ ઉર્ફે ખજૂરભાઈને તેમજ તેમની આ કામગીરી જોવા લોકોનાં ટોળેટોળાં ઉમટી પડ્યા.
