Protect your PIN: સાયબર દોસ્ત નામના આઈડી પરથી એડિડાસ સ્ટોરનો વિડીયો પોસ્ટ શેર કરાઇ, વિડીયોમાં સ્ટોરમાં POS મશીનની ઉપર લગાવેલ કેમેરા સ્પષ્ટ જોઈ શકાય છે. જેથી કેમેરા સંભવિતપણે ખરીદનારનો પિન રેકોર્ડ કરી શકે છે
Share
કેન્દ્રીય ગૃહ મંત્રાલયે કસ્ટમર્સને કર્યા એલર્ટ
સાયબર દોસ્ત નામના આઈડી પરથી વિડીયો કરાયો પોસ્ટ
ડેબિટ કાર્ડ અથવા ક્રેડિટ કાર્ડ વ્યવહારોથી સાવચેત રહેવા ચેતવણી
વસંત કુંજમાં DLF મોલની અંદર એક એડિડાસ સ્ટોરનો વિડીયો કર્યો પોસ્ટ
વિડીયોમાં સ્ટોરમાં POS મશીનની ઉપર જ કેમેરા લગવાય હોવા નું દેખાયું
ગૃહ મંત્રાલય દ્વારા તાજેતરમાં એક વિડીયો પોસ્ટ કરી ડેબિટ કાર્ડ અથવા ક્રેડિટ કાર્ડ વ્યવહારોથી સાવચેત રહેવાની ચેતવણી આપવામાં આવી છે. વાત જાણે એમ છે કે, ગૃહ મંત્રાલયના સાયબર દોસ્ત નામના આઈડી પરથી વસંત કુંજમાં DLF મોલની અંદર એક એડિડાસ સ્ટોરનો વિડીયો પોસ્ટ શેર કરી છે. આ વિડીયોમાં સ્ટોરમાં POS મશીનની ઉપર લગાવેલ કેમેરા સ્પષ્ટ જોઈ શકાય છે. આનાથી સ્પષ્ટ થાય છે કે, કેમેરા સંભવિતપણે ખરીદનારનો પિન રેકોર્ડ કરી શકે છે, જેનાથી ગ્રાહકના બેંક એકાઉન્ટને સાયબર ચોરીના જોખમમાં મુકવામાં આવે છે.
ગૃહ મંત્રાલયના સાયબર દોસ્ત ટ્વિટર હેન્ડલ પર ટ્વિટ કરવામાં આવ્યું છે કે, નાણાની સલામતી માટે તમારો પિન સુરક્ષિત રાખો. એટીએમ અથવા પીઓએસ મશીન પર તમારો પિન અથવા ઓટીપી દાખલ કરતા પહેલા, નજીકના કેમેરા તપાસો. વસંત કુંજ, નવી દિલ્હી ખાતેના ડીએલએફ મોલમાં બિલિંગ કાઉન્ટરની ઉપર કેમેરા.
મહત્વનું છે કે, પર્સનલ આઈડેન્ટિફિકેશન નંબર અથવા પિન ડેબિટ કાર્ડ અથવા ક્રેડિટ કાર્ડ દ્વારા બેંક ખાતામાંથી પૈસા ઉપાડવા માટે ચતુરાઈથી સેટ કેમેરાનો ઉપયોગ કરવામાં આવે છે. દરેક કાર્ડમાંથી સંભવિત પિન ટ્રાન્ઝેક્શન રેકોર્ડ કરવા માટે કૅમેરા ચતુરાઈપૂર્વક સેટ કરવામાં આવ્યો હોય એવું લાગે છે, જેનાથી બેંકમાં ગ્રાહકના નાણાં જોખમમાં મુકાય છે.
સાયબર દોસ્તનાઅ ટ્વીટમાં લોકોને તેમના વન ટાઈમ પાસવર્ડ અથવા ઓટીપીને લુચ્ચી આંખો અથવા સંભવિત ચોરોથી બચાવવા માટે પણ ચેતવણી આપવામાં આવી છે. આ સિવાય પોસ્ટે એટીએમનો ઉપયોગ કરતી વખતે ડેબિટ કાર્ડની સુરક્ષા અને તેના પરની વિગતો વિશે પણ ચેતવણી આપી છે.
શું કહે છે નેશનલ ક્રાઈમ રેકોર્ડ્સ બ્યુરો?
નેશનલ ક્રાઈમ રેકોર્ડ્સ બ્યુરો (NCRB) દ્વારા જાહેર કરાયેલા એક અહેવાલમાં જણાવવામાં આવ્યું છે કે, 2021માં સતત બીજા વર્ષે છેતરપિંડીયુક્ત ક્રેડિટ અને ડેબિટ કાર્ડ વ્યવહારોમાં વધારો થયો છે, જ્યારે ATM સંબંધિત છેતરપિંડીઓમાં ઘટાડો થયો છે. એનસીઆરબીએ એમ પણ જણાવ્યું હતું કે, ગયા વર્ષની સરખામણીમાં છેતરપિંડી અને બનાવટી કેસોની સંખ્યામાં લગભગ 16%નો વધારો થયો છે.
