કર્ણાટક ચૂંટણી 2023 / 38 વર્ષનો ટ્રેન્ડ તોડી ન શકી BJP, ફરી 5 વર્ષે થયું પરિવર્તન, જાણો મુખ્ય કારણો કયા રહ્યા

• કર્ણાટક વિધાનસભા ચૂંટણીમાં કોંગ્રેસને સ્પષ્ટ બહુમત
• ભાજપ ન બનાવી શકી કર્ણાટકમાં પોતાની સરકાર
• 80થી ઓછી સીટો પર ભાજપે મેળવ્યો વિજય

કર્ણાટકમાં ભાજપ 38 વર્ષ જૂની પરંપરા તોડવામાં અસક્ષમ રહી છે. આ રાજ્યમાં 1985 બાદથી કોઈપણ પાર્ટી સતત બીજી ટર્મમાં સત્તા પર આવી નથી. કર્ણાટક વિધાનસભા ચૂંટણીનાં પરિણામો અનુસાર ભાજપને 75 બેઠકો મળી છે જ્યારે કોંગ્રેસે બહુમત સાથે જીત મેળવી છે. રાજ્યમાં સરકાર બનાવવા માટે 113 સીટોની આવશ્યકતા હોય છે જે કોંગ્રેસ એકલી જ મેળવી શકશે. 2024 માટે ભાજપની આ હાર મોટું નુક્સાન પહોંચાડી શકે છે ત્યારે એ જાણીએ કે ભાજપની કર્ણાટકમાં હાર પાછળનું કારણ શું છે ?

ઉત્તરભારતની પાર્ટી હોવાનું ટેગ
ભાજપને હજુ પણ દક્ષિણી રાજ્યોમાં ઉત્તરભારતની પાર્ટીનાં રૂપમાં જોવામાં આવે છે અને છેલ્લાં 4 વર્ષોની ઘટનાઓનાં આધારે આ નોટિસ કરવામાં આવ્યું છે કે ગૌમાંસ પર વિવાદ હોય કે પછી હિંદી ભાષાને મહત્વ, મોદી સરકારને RSSનાં એજન્ડાને પ્રોત્સાહન આપતી પાર્ટીનાં રૂપમાં જોવામાં આવે છે.  બેંગલુરુ અને રાજ્યનાં અન્ય ભાગોમાં રહેનારા ઉત્તરભારતીય મોટાપાયે યુવકો છે જે PM મોદીનાં પક્ષમાં હોઈ શકે છે પરંતુ જરૂરી નથી કે તે કર્ણાટકમાં ભાજપ શાસનની તરફેણમાં હોય.

યેદુયુરપ્પા પર લોકોને વિશ્વાસ નથી?
હાલની કર્ણાટકની રાજનીતિને જોતાં એવું લાગે છે કે સિદ્ધારમૈયા સ્પષ્ટપણે લોકોની નજરોમાં શિખર પર છે. જેલમાં સમય વ્યતિત કરવાની સાથે લાગેલા ભ્રષ્ટાચારનાં દાગ બાદ યેદિયુરપ્પા પર કર્ણાટકની જનતાને વિશ્વાસ ન હોય તેવું લાગી રહ્યું છે. ભાજપ દાવો કરી રહી છે કે કોર્ટનાં નિર્ણયથી આ દાગ સાફ થઈ ગયાં છે પરંતુ રાજનૈતિક વ્યૂથી જોઈએ તો આ નેગેટિવ દાગ લોકોનાં મનમાંથી ભૂંસવા અઘરાં છે. એક નેતાનાં રૂપમાં સિદ્ધારમૈયાનો રેકોર્ડ યેદિયુરપ્પાથી વધુ સારી ઈમેજ છે.

નવી-જૂની પેઢીઓની વચ્ચે વિભાજન
મુખ્યમંત્રી બોમ્મઈ પાર્ટીનો CMનો ચહેરો હતાં જેની પાછળનું મુખ્ય કારણ એ છે કે તે લિંગાયત સમુદાયમાંથી આવે છે. પરંતુ પ્રચાર માટે પાર્ટી સંપૂર્ણપણે 80 વર્ષનાં યેદિયુરપ્પા પર આધારિત હતી. એવું સાંભળવામાં આવ્યું હતું કે ટિકીટ વિતરણ સુધઈ યેદિયુરપ્પા દ્વારા જ બધાં નિર્ણયો લેવામાં આવ્યાં હતાં. ભાજપમાં જનતાને નવી-જૂની પેઢીઓની વચ્ચે વિભાજન જોવા મળ્યું હોઈ શકે છે.

વિકાસનાં ગુણગાન ન ગવાયા!
ભાજપે આ વખતે ચૂંટણીનાં પ્રચારમાં પોતાના દ્વારા કરવામાં આવેલા વિકાસનાં કાર્યોનું ગુણગાન જનતા સામે ગાયું નહોતું. કોઈપણ મોટા નેતાએ રેલીમાં કર્ણાટક સરકારની ઉપલબ્ધિઓની ચર્ચા કરી નહીં. નાના નેતાઓએ સભામાં વિકાસનાં કાર્યો વિશે જણાવ્યું પરંતુ સમગ્ર પાર્ટીએ આ જ આધાર પર કામ કરવાની આવશ્યકતા હતી.