- કર્ણાટક વિધાનસભાની ચૂંટણીની તૈયારીમાં રાજનૈતિક દળો
- કર્ણાટક ભાજપે નાટુ-નાટુ સોન્ગનું રીમિક્સ કર્યું પબ્લિશ
- ભાજપ સરકારની ઉપલબ્ધિઓ ગણાવે છે આ સોન્ગ
દક્ષિણ રાજ્ય કર્ણાટકમાં આવતાં મહિને વિધાનસભાની ચૂંટણી છે. તમામ રાજનૈતિક દળો જનતાને પોતાની તરફ આકર્ષિત કરવા માટે ચૂંટણીનાં પ્રચારમાં લાગી ગઈ છે. આ વચ્ચે ભાજપે સરકારની ઉપલબ્ધિઓ ગણાવતું એક ગીત નાટુ-નાટુનાં રિમિક્સનાં રૂપે રજૂ કર્યું છે. ભાજપે તેલુગુ ફિલ્મ RRRનો ઓસ્કર વિનિંગ ગીત નાટુ-નાટુનું રીમિક્સ પબ્લિશ કર્યું છે.
નાટુ-નાટુની જગ્યાએ કર્યું મોદી-મોદી!
કર્ણાટકનાં સ્વાસ્થ્ય મંત્રી કે.સુધારકે પોતાના ટ્વિટર એકાઉન્ટ પર નાટુ-નાટુનું રિમિક્સ સોન્ગ પોસ્ટ કરીને લખ્યું કે ,'ડબલ એન્જિન સરકારની લગામ પ્રધાનમંત્રી નરેન્દ્ર મોદીએ સંભાળી રાખેલ છે. ભાજપ સરકાર આ અદભૂત ગીતનાં માધ્યમથી કર્ણાટકમાં થયેલા વિકાસનાં કાર્યોને જનતા સુધી પહોંચાડવા માગે છે. ભાજપ યુવા મોરચાનો આ પ્રયત્ન પ્રશંસાને પાત્ર છે'. માહિતી અનુસાર આ રીમિક્સ સોન્ગને ભાજયુમોએ તૈયાર કર્યું છે.
નાટુ-નાટુમાં ગણાવી સરકારની ઉપલબ્ધિઓ
તમે સાંભળી શકો છો કે ભાજપે 'નાટુ નાટુ' નાં રીમિક્સ ગીતની મદદથી સરકારની પરિયોજનાઓ અને કલ્યાણકારી યોજનાઓ પર ભાર આપ્યો છે. ગીતમાં ઓરિજનલ બોલ 'નાટુ-નાટુ'ને મોદી-મોદી સાથે બદલી દેવામાં આવ્યું છે. આ સોન્ગમાં ડાન્સ કરનારાં છોકરાં-છોકરીઓએ નાટુ-નાટુનાં સ્ટેપની પણ કોપી કરી છે. સોન્ગની મદદથી ભાજપ જણાવવા ઈચ્છે છે કે ભાજપ સરકારમાં શિવમોગ્ગા એરપોર્ટ, બેંગલુરુ-મૈસુર એક્સપ્રેસ વે અને મેટ્રો લાઈનનો વિસ્તાર થયો છે. ચૂંટણી દરમિયાન લોકોને લુભાવવા માટે રાજનૈતિક દળો ફિલ્મોનાં ડાયલોગ, પોસ્ટર્સ અને ગીતોનો ઉપયોગ કરી રહ્યાં છે.
