માન્યતા / આ રાશિના લોકોએ ક્યારેય પણ ન બાંધવો જોઇએ લાલ દોરો, ક્રોધિત થઇ જાય છે ન્યાયના દેવતા શનિ મહારાજ, જાણો કારણ

• હિંદુ ધર્મમાં લાલ રંગની નાળાછડીનું વિશેષ મહત્ત્વ
• રક્ષાસૂત્ર બાંધવાનો ઉદ્દેશ્ય પોઝિટિવિટી જાળવી રાખવાનો છે
• આ રાશિના જાતકોએ રક્ષાસૂત્ર ના બાંધવું જોઈએ

હિંદુ ધર્મમાં લાલ રંગની નાળાછડીનું વિશેષ મહત્ત્વ છે, જે શુભ માનવામાં આવે છે. માંગલિક કાર્ય દરમિયાન નાળાછડી એટલે કે, રક્ષાસૂત્ર બાંધવામાં આવે છે. રક્ષાસૂત્ર બાંધવાનો ઉદ્દેશ્ય નકારાત્મકતા દૂર કરીને પોઝિટિવિટી જાળવી રાખવાનો છે. શાસ્ત્રો અનુસાર રક્ષાસૂત્ર બાંધવાથી દેવતાઓની કૃપા પ્રાપ્ત થાય છે. કેટલાક લોકો માટે રક્ષાસૂત્ર બાંધવું તે હાનિકારક હોઈ શકે છે. આ રાશિના જાતકોએ લાલ રક્ષાસૂત્ર ના બાંધવું જોઈએ. લાલ રક્ષાસૂત્રની જગ્યાએ પીળુ અથવા ગુલાબી રક્ષાસૂત્ર બાંધવું જોઈએ. શનિદેવના ચરણોમાં સ્પર્શ કરીને કાળો દોરો રક્ષાસૂત્ર તરીકે બાંધી શકાય છે. રક્ષાસૂત્ર કોણે બાંધવું અને કોણે ના બાંધવું જોઈએ, તે અંગે અહીંયા જણાવવામાં આવ્યું છે. 

જ્યોતિષશાસ્ત્ર અનુસાર રક્ષાસૂત્રના રંગ અનુસાર તેનું મહત્ત્વ પણ બદલાઈ જાય છે. પૂજા પાઠમાં લાલ, ગુલાબી અને પીળાં રંગના રક્ષાસૂત્રનો ઉપયોગ કરવામાં આવે છે. રક્ષાસૂત્ર બાંધવાથી મંગળદોષ દૂર થાય છે. સૂર્યગ્રહની કૃપા પ્રાપ્ત થાય છે. 

કઈ રાશિના જાતકોએ રક્ષાસૂત્ર ના બાંધવું
જ્યોતિષશાસ્ત્ર અનુસાર કુંભ અને મીન રાશિના જાતકોએ લાલ રંગનું રક્ષાસૂત્ર ના બાંધવું જોઈએ. આ રાશિના જાતકોના સ્વામી શનિ ગ્રહ છે. શનિદેવને લાલ રંગ પસંદ નથી. મકર રાશિના જાતકોએ પણ રક્ષાસૂત્ર ના બાંધવું જોઈએ. નહીંતર શનિદેવ નારાજ થઈ શકે છે અને અશુભ ફળ પ્રદાન કરે છે. અશુભ પરિણામથી બચવા માટે શનિદેવને કાળા તલ અર્પણ કરો. આ પ્રકારે કરવાથી જીવનમાં આવતી સમસ્યા દૂર થઈ જશે. 

આ રાશિના જાતકોએ રક્ષાસૂત્ર બાંધવું જોઈએ
જ્યોતિષશાસ્ત્ર અનુસાર મેષ, સિંહ અને વૃશ્વિક રાશિના જાતકોએ લાલ રંગનું રક્ષાસૂત્ર બાંધવું જોઈએ. જેથી નકારાત્મક ઊર્જા દૂર થશે અને જીવનમાં શુભ પરિણામ પ્રાપ્ત થશે. રક્ષાસૂત્ર બાંધવાથી સૂર્ય અને મંગળની વિશેષ કૃપા પ્રાપ્ત થશે. દોષ ખતમ થઈ જશે અને જીવનમાં આવતી પરેશાનીઓ દૂર થશે.