જ્યોતિષ શાસ્ત્ર / સપનામાં પોતાની જાતને પૂજા-પાઠ કરતા જોવાનો અર્થ શુભ કે અશુભ સંકેત? જાણો શું કહે છે સ્વપ્ન શાસ્ત્ર

• આવનાર ભવિષ્ય તરફ ઈશારો કરે છે સપના 
• આ સંકેત શુભ-અશુભ બન્ને હોઈ શકે 
• પોતાને પૂજા કરતા જુઓ તે સપનાનો અર્થ શું? 

સુતી વખતે સપનું જોવું એક સામાન્ય પ્રક્રિયા છે. સપનામાં મોટાભાગે એવી જ વસ્તુઓ જોવા મળે છે જે દિવસભરમાં તમારી સારે ઘટી હોય પરંતુ ઘણી વખત અમુક એવા સપના દેખાય છે જેમનો સંબંધ આપણી દિનચર્ચા સાથે નથી હોતો. આ સપના તમને આવનાર ભવિષ્યમાં થતી પ્રિય-અપ્રિય ઘટનાના સંકેત આપે છે. આ સપનાથી સારા અને ખરાબ સંકેત મળે છે. જો તમે સપનામાં પોતાને પૂજા કરતા જુઓ તો આ પણ તમારા માટે મોટો સંકેત માનવામાં આવે છે.  

સપનામાં પોતાને પૂજા કરતા જોવા 
સ્વપ્ન શાસ્ત્ર અનુસાર જો તમે પોતાને સપનામાં પૂજા કરતા જુઓ તો આ એક શુભ સંકેત માનવામાં આવે છે. આ સપનું તમારી અતૂટ ભક્તિનું પ્રતીક માનવામાં આવે છે. તેનો અર્થ છે કે તમે સંપૂર્ણ રીતે ભગવાનની ભક્તિમાં લીન થઈ ચુક્યા છો. 

આ સપનાને ઘરની સમૃદ્ધિનો પણ સંકેત મનવામાં આવે છે. માન્યતા છે કે આવા સપના જોવા પર તમને ઘરમાં કંઈક સારા પરિવર્તન જોવા મળી શકે છે. જેની તમારા જીવન પર સકારાત્મક અસર જોવા મળશે. આ પ્રકારના સપના જોયા બાદ દેવ દર્શન જરૂર કરવા જોઈએ. 

મંદિરમાં પૂજા કરતા જોવા 
સ્વપ્ન શાસ્ત્ર અનુસાર જો કોઈ વ્યક્તિ પોતાને પુજા કરતા જુએ છે તો આ સંકેત છે કે તમારી કોઈ મોટી ઈચ્છા પુરી થવાની છે. આ સપનાનો અર્થ છે કે તમે જલ્દી કોઈ મંદિરના દર્શન કરવા જઈ શકો છો. આ પ્રકારના સપનાનો અર્થ એવો પણ છે કે તમે લાંબા સમયથી આ મંદિરના દર્શન કરવા માંગો છો પરંતુ જઈ નથી શકતા. 

પરિવારની સાથે પૂજા 
સ્વપ્ન શાસ્ત્ર અનુસાર જો તમે પોતાને આખા પરિવારની સાથે ઈશ્વરની પૂજા કરતા સપનામાં જુઓ છો તો આ એક શુભ સંકેત છે. તેનો અર્થ છે કે તમે કોઈ મોટો નિર્ણય કરી શકો છો. જેમાં તમારા આખા પરિવારનો સહયોગ મળશે. તેના ઉપરાંત આ સપનું સફળતાનો પણ સંકેત આપે છે. માનવામાં આવી રહ્યું છે કે આ પ્રકારના સપના તમને તમારા દરેક કામમાં સકારાત્મક પરિણામ આપી શકે છે.