દુઃખદ / સાઉથ ફિલ્મ ઈન્ડસ્ટ્રીને મોટો ઝટકો, આ દિગ્ગજ અભિનેતાએ 39 વર્ષની વયે દુનિયાને કહ્યું અલવિદા

• તેલુગુ અભિનેતા નંદમુરી તારકા રત્નનું નિધન
• રાજકીય રેલી દરમિયાન આવ્યો હતો હાર્ટ એટેક 
• બેંગ્લોરની હોસ્પિટલમાં ચાલી રહી હતી સારવાર

તેલુગુ અભિનેતા અને રાજનેતા નંદમુરી તારકા રત્નનું નિધન થયું છે. પારિવારિક સૂત્રોના જણાવ્યા અનુસાર, તેમણે શનિવારે (18 ફેબ્રુઆરી) અંતિમ શ્વાસ લીધા હતા. મળતી માહિતી મુજબ, તેઓની નારાયણ હૃદયાલય હોસ્પિટલમાં સારવાર ચાલી રહી હતી. 39 વર્ષીય તારકને ચિત્તૂરમાં એક રાજકીય રેલી દરમિયાન હાર્ટ એટેક આવ્યો હતો, ત્યારબાદ તેમને તાત્કાલિક હોસ્પિટલમાં દાખલ કરવામાં આવ્યા હતા. 

Deeply saddened to learn of the
tragic premature demise of #NandamuriTarakaRatna
Such bright, talented, affectionate young man .. gone too soon! 💔 💔
Heartfelt condolences to all the family members and fans! May his Soul Rest in Peace! శివైక్యం 🙏🙏 pic.twitter.com/noNbOLKzfX

— Chiranjeevi Konidela (@KChiruTweets) February 18, 2023

27 જાન્યુઆરીએ અચાનક નીચે પડ્યા હતા
તેઓ 27 જાન્યુઆરીના રોજ કુપ્પમ ખાતે ટીડીપીના મહાસચિવ નારા લોકેશની રાજ્યવ્યાપી પદયાત્રાના શુભારંભ દરમિયાન અચાનક નીચે પડી ગયા હતા. તેઓને નજીકની હોસ્પિટલમાં પ્રાથમિક સારવાર બાદ તેમને નારાયણ હૃદયાલયમાં વધુ સારવાર માટે બેંગ્લોર લઈ જવામાં આવ્યો હતા.

તેલુગુ ફિલ્મોમાં પણ કરી ચૂક્યા છે કામ
સૂત્રોના જણાવ્યા અનુસાર, જ્યારે તેમને હોસ્પિટલમાં દાખલ કરવામાં આવ્યા હતા ત્યારથી તેમની સ્થિતિ નાજુક હતી. તારક રત્ન જાણીતા ફિલ્મ અભિનેતા અને આંધ્ર પ્રદેશના પૂર્વ મુખ્યમંત્રી દિવંગત એનટી રામારાવના પૌત્ર અને નંદમુરી મોહન કૃષ્ણના પુત્ર હતા. તેમના પરિવારમાં તેમની પત્ની આલેખ્યા અને એક પુત્રી છે. તારકા રત્નાએ રાજકારણમાં પ્રવેશતા પહેલા કેટલીક તેલુગુ ફિલ્મોમાં પણ અભિનય કર્યો હતો.

2002માં ફિલ્મી કરિયરની કરી હતી શરૂઆત
વર્ષ 2002માં તેમણે 'ઓકાટો નંબર કુર્રાડુ'થી પોતાના ફિલ્મી કરિયરની શરૂઆત કરી હતી. જોકે, તેઓ તેમના પિતરાઈ ભાઈ જુનિયર એનટીઆરની જેમ સિલ્વર સ્ક્રીન પર વધુ ખ્યાતિ મેળવી શક્યા નહીં. તેમના નિધનને પગલે  સાઉથ ફિલ્મ ઈન્ડસ્ટ્રીમાં શોકની લહેર છવાઈ છે. બોલિવૂડથી લઈને ટોલિવૂડની હસ્તીઓ અને રાજનેતાઓએ તેમના નિધન પર દુઃખ વ્યક્ત કર્યું છે.