ભારત પહેલી વાર G20ની મેજબાની કરી રહ્યું છે
જેકી શ્રોફને પણ G20 ડિનરમાં સામેલ થવાનું નિમંત્રણ
ઈન્ડિયાને ભારત કહેવા બાબતે જગ્ગૂ દાદાએ આપ્યું રિએક્શન
ભારત પહેલી વાર G20ની મેજબાની કરી રહ્યું છે, જેની ખૂબ જ જોરશોરથી તૈયારીઓ કરવામાં આવી રહી છે. 9 અને 10 સપ્ટેમ્બરના રોજ G20ની 18 સમિટ થઈ રહી છે. સમગ્ર દિલ્હીને દુલ્હનની જેમ સજાવવામાં આવ્યું છે. જે બાબતે સુરક્ષાની કડક વ્યવસ્તા કરવામાં આવી છે. જેમાં મોટાભાગના આંતરરાષ્ટ્રીય નેતાઓ ભાગ લેશે, જેમાં જો બાઈડેન, ઋષિ સુનક અને ઈમૈનુએલ મેક્રોન જેવા અનેક લોકોના નામ શામેલ છે. બોલીવુડ અભિનેતા જેકી શ્રોફને પણ G20 શિખર સંમેલનના ડિનર માટે આમંત્રણ આપવામાં આવ્યું છે.
ઈન્ડિયા ભારત બોલવા બાબતે જગ્ગૂ દાદાનું રિએક્શન
‘ભારતના રાષ્ટ્રપતિ’ના નિમંત્રણ પત્ર પર ઈન્ડિયાને ભારત કહેવા પર ચર્ચા કરવામાં આવી રહી છે. જેના પર જેકી શ્રોફે પણ રિએક્શન આપ્યું છે. જગ્ગૂ દાદાએ ઈન્ડિયાને ભારત કહેવાના વિવાદ બાબતે નિવેદન આપ્યું છે કે, ‘ભારતને ભારત કહેવામાં આવી રહ્યું છે, તો તે કંઈ ખોટું નથી. ભલે નામ બદલાઈ ગયું હોય અમે નામ નહીં બદલીએ.’ એક વિડીયો ખૂબ જ વાયરલ થઈ રહ્યો છે, જેમાં જેકી શ્રોફ ભારત અને ઈન્ડિયા પર વાત કરી રહ્યા છે.
શું છે સમગ્ર વિવાદ
G20 સમિટ માટે મહેમાન દેશોને ભારતના રાષ્ટ્રપતિ એટલે કે, ‘પ્રેસિડેન્ટ ઓફ ભારત’ના નામથી આમંત્રણ મોકલવામાં આવ્યું. વિપક્ષે આરોપ મુક્યો છે કે, સંવિધાનમાં ‘પ્રેસિડેન્ટ ઓફ ઈન્ડિયા’ લખવામાં આવ્યું છે, ‘પ્રેસિડેન્ટ ઓફ ભારત’ લખવામાં નથી આવ્યું છે. જેનો અર્થ છે કે, સરકાર સંવિધાનમાંથી ઈન્ડિયા શબ્દ દૂર કરી રહી છે.
