ટેરરને ફટકો / પુલવામામાં ટળી ગઈ મોટી આફત, 5 કિલો IED સાથે આતંકીઓનો મદદગાર ઝડપાયો, ખતરનાક કાવતરું નિષ્ફળ

• જમ્મુના પુલવામાંથી પોલીસે ઝડપ્યો IED વિસ્ફોટક પદાર્થ
• કાશ્મીર પોલીસે ઝડપાયેલા શખ્સની પૂછપરછને આધારે કરી કાર્યવાહી
• અગાઉ પુલવામાં IED બ્લાસ્ટમાં 40 જવાન શહીદ થયાં હતા 

જમ્મુમાં પુલવામામાં આજે એક મોટી દુર્ઘટના બનતાં બનતાં રહી ગઈ. જમ્મુ-કાશ્મીર પોલીસે પુલવામામાંથી 5 કિલો IED વિસ્ફોટક પદાર્થ સાથે આતંકીના મદદગારને ઝડપી પાડ્યો છે. આતંકીના મદદગાર અને પાંચ કિલો વિસ્ફોટક ઝડપાઈ જતાં એક મોટી આફત ટળી ગઈ છે. આતંકીનો મદદગાર કોઈ મોટા હુમલામાં ફિરાકમાં હતો. 

J-K: Major tragedy averted in Pulwama, police recover IED from terror associate

Read @ANI Story | https://t.co/VQfHCpi29w#Pulwama #IED #PulwamaPolice pic.twitter.com/LhLVNbmIzT

— ANI Digital (@ani_digital) May 7, 2023

5 કિલો વિસ્ફોટક પદાર્થ સાથે આતંકી ઝડપાયો 
આતંકીઓના સહયોગી પુલવામાના અરિગામના રહેવાસી ઈશફાક અહમદ વાનીને પકડવામાં આવ્યો છે. તેના ખુલાસા પર લગભગ 5-6 કિલો આઈઈડી મળી આવ્યા હતા. કેસ નોંધવામાં આવ્યો છે અને તપાસ ચાલી રહી છે.  કાશ્મીર ઝોન પોલીસે ટ્વીટ કરીને આ આઈઈડી મળી આવવાની જાણકારી આપી છે.

ક્યારે થયો હતો પુલવામાનો ગંભીર હુમલો 
ઉલ્લેખનીય છે કે પુલવામા ખૂબ જ સંવેદનશીલ વિસ્તાર છે. 14 ફેબ્રુઆરી 2019ના રોજ એક આત્મઘાતી હુમલાખોરે સીઆરપીએફના કાફલામાં આઈઈડી વિસ્ફોટકોથી ભરેલા વાહનને બસ સાથે અથડાવી દીધું હતું. આ આતંકી હુમલામાં સીઆરપીએફના 40 જવાનો શહીદ થયા હતા. પાકિસ્તાન સ્થિત આતંકી સંગઠન જૈશ-એ-મોહમ્મદ (JeM)એ આ હુમલાની જવાબદારી સ્વીકારી હતી. એક 22 વર્ષીય વ્યક્તિ આદિલ અહમદ ડારની ઓળખ આત્મઘાતી બોમ્બર તરીકે થઈ હતી. પુલવામા હુમલા બાદ ભારત અને પાકિસ્તાન વચ્ચે તણાવ વધ્યો હતો. 26 ફેબ્રુઆરી, 2019ના રોજ ભારતીય વાયુસેનાએ પાકિસ્તાનના બાલાકોટ વિસ્તારમાં આવેલા એક આતંકવાદી મથક પર હુમલો કર્યો હતો અને ઘણા આતંકવાદીઓને ઠાર માર્યા હતા.