- ઈઝરાયલનાં ઈતિહાસમાં સૌથી ભયાનક હુમલો
- પેલેસ્ટિનિયન આતંકીઓ કરી રહ્યાં છે ખુલ્લેઆમ ગોળીબારી
- નિર્દયતાથી ઈઝરાયલ લોકોને કરી રહ્યાં છે ઘાયલ
ઈઝરાયલ અને પેલેસ્ટાઈન વચ્ચે 100 વર્ષોથી પણ જૂના વિવાદો હજી જીવંત છે. તેવામાં હાલમાં પેલેસ્ટિનિયન આતંકીઓ ક્રૂરતાનું રૂપ ધારણ કરીને ખુલ્લેઆમ ઈઝરાયલનાં નિર્દોષ નાગરિકોનો જીવ લઈ રહ્યાં છે. હમાસનાં આતંકીઓ ઈઝરાયલનાં શહેરોમાં ઘુસીને રસ્તા પર ચાલી રહેલા, વાહન ચલાવી રહેલા લોકોનું મર્ડર કરી રહ્યાં છે.
ઈઝરાયલનાં ઈતિહાસનો સૌથી ભયાનક હુમલો હાલમાં પેલેસ્ટાઈન દ્વારા કરવામાં આવ્યો છે.પેલેસ્ટાઇનનાં ગાઝામાં સ્થિત ચરમપંથી સંગઠન હમાસે ઈઝરાયલ પર 5000થી વધારે રૉકેટ છોડ્યાં છે.આતંકીઓ મોટરસાઈકલ, SUV અને પેરાગ્લાઈડર પર સવાર થઈને દક્ષિણી શહેરોમાં પહોંચ્યાં. આ આતંકીઓ રસ્તા પર ચાલી રહેલા નાગરિકો પર ગોળીબાર કરી રહ્યાં છે. સોશિયલ મીડિયા પર આ ઘટનાનાં અનેક વીડિયો સામે આવ્યાં છે.
ઘણા લોકોએ સોશિયલ મીડિયા પર વીડિયોઝ શેર કર્યા છે, જેમાં હમાસ જૂથ દ્વારા સર્જાયેલી હાલાકીનો અંદાજો આવી શકે છે. ગનમેન રહેણાંક વિસ્તારોમાં પ્રવેશતાં અને ઘરોને ટાર્ગેટ બનાવતા જોવા મળી રહ્યાં છે.
પેલેસ્ટિનિયન આતંકવાદીઓએ એક તહેવારની ઊજવણી કરી રહેલા જૂથ પર આક્રમણ કર્યું હતું જ્યાં સેંકડો ઇઝરાયેલીઓ શેમિની એટઝેરેટની રજા માટે કેમ્પ કરી રહ્યા હતા. આતંકીઓએ ગોળીઓના રાઉન્ડ ફાયર કર્યા, જેનાથી લોકોમાં ભય ફેલાયો અને અનેક લોકોનું મોત પણ થયું.
ખુલેઆમ નાગરિકો પર ગોળીબારી
સ્ડેરૉટનાં નિવાસીએ હુમલાનો એક વીડિયો રેકોર્ડ કર્યો જેમાં આતંકવાદીઓ ખુલેઆમ નાગરિકો પર ગોળીઓ ચલાવી રહ્યાં છે. વ્યક્તિએ આ વીડિયો પોતાના ઘરની છત પરથી રેકોર્ડ કર્યો હતો. આ વીડિયોને આતંરરાષ્ટ્રીય માનવાધીકારનાં વકીલે શેર કર્યો છે.
મહિલાઓને નગ્ન કરીને ઘસડી રહ્યાં છે
ક્રૂર આતંકીઓ ઇઝરાયેલી મહિલાનાં શવને નગ્ન કરીને જશ્ન મનાવતાં દેખાયા. કેટલાક આતંકીઓ તો આ મહિલાનાં શવ પર થૂકી રહ્યાં હતાં. (કેટલાક દ્રશ્યો અતિસંવેદનશીલ હોવાને લીધે અમે વીડિયો ટાંકી શકવામાં અસમર્થ છીએ. )
