તપાસ / ગૃહ મંત્રાલયના આદેશ બાદ ISKP મોડ્યુલની તપાસ NIAને સોંપાઈ, ગુજરાત ATSએ આતંકી હુમલા કાવતરાનો કર્યો હતો પર્દાફાશ

• ગુજરાતના ATS દ્વારા ISKP મોડ્યુલની તપાસ NIAને સોંપાઈ
• પકડાયેલા આરોપીને આતંકી હુમલો કરવા માટે ત્યાં તાલીમ આપવાના હતા
• ભારત સરકારના ગૃહ મંત્રાલયના આદેશ બાદ NIAને તપાસ સોંપાઈ
• ગુજરાત ATS પાસેથી NIAએ કેસનો કબજો મેળવ્યો

ગુજરાત ATS દ્વારા ISKP મોડ્યુલની તપાસ NIAને સોંપાઈ છે. ATSએ ISKP મોડ્યુલનો પર્દાફાશ કર્યો હતો. જેમાં ઉબેદ નાસીર મીર, હનાન હયાત શૌલની તેમજ મોહમ્મદ હાઝીમ શાહ અને સુરતની સુમેરા બાનુની ધરપકડ કરાઇ હતી.

આરોપી એકબીજાના સંપર્કમાં હતા
ત્રણ કશ્મીરી યુવકો સહિત ચાર આરોપીઓની ધરપકડ કરી હતી અત્રે જણાવીએ કે, સુમેરા બાનુના લગ્ન દક્ષિણ ભારતના તમિલનાડુ રાજ્યમાં થયા હતા. આરોપીઓ અફઘાનિસ્તાનમાં કાર્યરત આતંકવાદી સંગઠન ISKPના સભ્યો હતાં. ખાસ વાત એ છે કે, તમામ આરોપીઓ છેલ્લા એક વર્ષથી એકબીજાના સંપર્કમાં હતા.

NIAને તપાસ સોંપાઈ
કાશ્મીરના ત્રણ રહેવાસીઓ ISKPમાં જોડાવાના હતા તેમજ હેન્ડલર અબુ હમઝાની મદદથી ISKPમાં જોડાવા દરિયાઈ માર્ગે ફરાર થવાના હતા અને પકડાયેલા આરોપીને આતંકી હુમલો કરવા માટે ત્યાં તાલીમ આપવાના હતા તેવું તપાસમાં જાણવા મળ્યું છે. ભારત સરકારના ગૃહ મંત્રાલયના આદેશ બાદ NIAને તપાસ સોંપાઈ છે અને ગુજરાત ATS પાસેથી NIAએ કેસનો કબજો મેળવ્યો છે.