- મેચ દરમિયાન ગુજરાતની ટીમમાં જ થોડો વિવાદ થતાં જોવા મળ્યો
- કેપ્ટન હાર્દિક સાથે કોચ આશિષ નેહરાની બોલાચાલી
- નેહરા એ ગીલની સદીની ઉજવણી પણ ન કરી
- ગિલે કહીને અભિષેક શર્માની બોલ પર મારી સિક્સર
IPL 2023 ની 62મી મેચમાં ડિફેન્ડિંગ ચેમ્પિયન ગુજરાત ટાઇટન્સે સોમવારે સનરાઇઝર્સ હૈદરાબાદને 34 રને હરાવ્યું. આ જીત સાથે ગુજરાતની ટીમ પ્લેઓફ માટે ક્વોલિફાય થનારી પહેલી ટીમ પણ બની ગઈ છે. જો કે મેચ દરમિયાન ગુજરાતની ટીમમાં જ થોડો વિવાદ થતાં જોવા મળ્યો હતો.
કેપ્ટન હાર્દિક સાથે કોચ આશિષ નેહરાની બોલાચાલી
કોચ આશિષ નેહરા અને કેપ્ટન હાર્દિક પંડ્યા એકબીજા સાથે ટકરાયા હતા જેની ઘણી તસવીરો પણ સામે આવી છે. નેહરા એક ખેલાડી તરીકે ઘણી વખત ગુસ્સે થતો જોવા મળ્યો છે પણ 2022માં તેણે IPLમાં કોચિંગનું પદ સંભાળ્યું ત્યારથી તે પહેલીવાર ગુસ્સામાં જોવા મળ્યો છે.
નેહરા એ ગીલની સદીની ઉજવણી પણ ન કરી
વાત એમ છે કે નેહરાને આશા હતી કે ટીમ 200 રન બનાવશે પણ માત્ર 188 રન જ બનાવી શક્યા. ગુજરાતની ટીમે છેલ્લી 24 બોલમાં 6 વિકેટ ગુમાવી હતી અને માત્ર 25 રન બનાવ્યા હતા. જો કે એ કારણે નેહરા ગુસ્સે થયો હતો અને શુભમન ગીલની સદીની ઉજવણી પણ નહતી કરી. જએ બાદ ગુજરાતની ઇનિંગ પછી તેને હાર્દિકે જઈને કંઈક કહ્યું. આ પછી બંને વચ્ચે બોલાચાલી થઈ હતી. એ સમયએ ગુજરાત ટાઈટન્સના ડિરેક્ટર વિક્રમ સોલંકી હાર્દિકને નેહરાથી દૂર લઈ જતા જોવા મળ્યા હતા.
ગિલે કહીને અભિષેક શર્માની બોલ પર મારી સિક્સર
શુભમન ગિલે સોમવારે હૈદરાબાદ સામે 58 બોલમાં 101 રનની ઇનિંગ રમી હતી જેમાં તેને 13 ફોર અને 1 સિક્સર ફટકારી હતી. જણાવી દઈએ કે 14મી ઓવરમાં અભિષેક શર્માની બોલ પર આ સિક્સ ફટકારી હતી અને મેચ પહેલા ગિલે પોતાના ઘરેલુ ક્રિકેટના સાથી ખેલાડી અભિષેક શર્માને કહી દીધું હતું કે હું તારા બોલ પર સિક્સ મારીશ.
તું મારી સામે બોલિંગ કરીશ તો હું સિક્સ મારીશ
ગિલે કહ્યું કે અભિષેક શર્માની બોલ પર સિક્સર મારવી મારા માટે આનંદની વાત છે. મેં તેને કહ્યું કે જો તે મારી સામે બોલિંગ કરશે તો હું સિક્સર મારીશ. નોંધપાત્ર વાત એ છે કે તેની સદીની ઇનિંગ્સ દરમિયાન શુભમન ગિલના બેટમાંથી માત્ર એક છગ્ગો જોવા મળ્યો હતો. તે અભિષેક શર્માની બોલિંગ સમયે માર્યો હતો.
