બબાલ / 'ઓમ અને અલ્લાહ એક' મૌલાના મદનીના વિવાદિત નિવેદનથી ભડક્યા ધર્મગુરુ, સંતો મંચ પરથી નીચે ઉતર્યા

• મૌલાના મદનીનું વિવેદીત નિવેદન
• તેમણે ક્હયુ, ઓમ અને અલ્લાહ એક
• નિવેદનના કારણે ધર્મગુરૂઓ મંચ છોડી ચાલ્યા ગયા

દિલ્હીના રામલીલા મેદાનમાં જમીયત ઉલેમાં-એ-હિન્દના અધિવેશનમાં છેલ્લા દિવસે મોલાના અરશદ મદનીના નિવેદનથી મોટાપાયે બબાલ થઈ છે. મૌલાના મદનીનાનું સામે આવેલ “ઓમ અને અલ્લાહ એક” નિવેદનથી હાલ તો ધર્મગુરૂ ભડક્યા છે. આ નિવેદન તેમણે ત્યારે આપ્યું હતુ જ્યારે તેઓ આરએસઆસ ચીફ દ્વારા આપવામાં આવેલા નિવેદન પર જવાબ આપી રહ્યા હતા. આરએસઆસ ચીફના નિવેદનની જો વાત કરીએ તો તેમણે કહ્યુ હતુ કે હિંદુ અને મુસ્લિમોના પૂર્વજો સમાન છે. આ આરએસએસ ચીફના નિવેદનના જવાબમાં મૌલાના મદનીએ કહ્યું કે, પૂર્વજો હિંદુ ન હતા તેઓ મનુ એટલે કે આદમ હતા. આ નિવેદન બાદ અધિવેશનમાં આવેલા અલગ અલગ ધર્મગુરૂઓ મંચ છોડી વિરોધમાં જતા રહ્યા હતા. મહત્વનું છે કે જમીયત ઉલેમા-એ-હિંદના અધિવેશનના આખરી એટલે કે છેલ્લા દિવસે આવેલા આ નિવેદનથી ભારે હોબાળો થયો હતો.

ધર્મગુરૂએ કર્યો વિરોધ

મૌલાના મદનીના આવેલા વિવાદિત નિવેદનના કારણે અધિવેશનમાં આવેલા ધર્મગુરૂઓએ વિરોધ કર્યો હતો. વિરોધ એ પ્રકારે હતો કે તેઓ આ અધિવેશનમાં સ્ટેજ છોડી જતા રહ્યા હતા. આ દરમિયાન જૈન મુની લોકેશે વિરોધ કરતા જણાવ્યું હતુ કે આ પ્રકારના સમેલન લોકોને જોડવા માટે થાય છે અને આ પ્રકારના નિવેદન કેટલા અંશે વ્યાજબી કહેવાઈ. આમ કહી તેઓ મંચ પરથી ચાલ્યા ગયા હતા અને ત્યારબાદ અન્ય સંતો અને ધર્મગુરૂ પણ સ્ટેજ પર જતા રહ્યા હતા.

દિલ્હીના રામલીલા મેદાનમાં સંમેલન

મહત્વનું છે કે દિલ્હીના રામલીલા મેદાનમાં આ સંમેલનનું આયોજન કરવામા આવ્યું છે. આ કાર્યક્રમમાં છેલ્લા દિવસે મંચ પરથી મૌલાના મદનીએ કહ્યું કે, મે પુછ્યુ કે જ્યારે શ્રીરામ ન હતા, શિવ ન હતા કે બ્રહ્મા પણ ન હતા તો ત્યારે મનુ પુજતા કોને હતા ?  ત્યારે કોઈ કહે છે કે તે શિવને પુજતા હતા જ્યારે કોઈ કહે છે મનુ ઓમને પુજતા હતા. ત્યારે કહ્યુ કે ઓમ કોણ છે ? તો તેના જવાબમાં ઘણા ઓછ લોકોએ કહ્યુ કે તેનો કોઈ રંગ કે રૂપ નથી, તે દુનિયામાં બધી જગ્યા પર છે. અરે ભાઈ અમે તેને જ તો અલ્લાહ કહીએ છીએ, જેને તમે ઈશ્વર (ભગવાન) કહો છો.