જાણવા જેવું / આ જગ્યાએ છે ઈન્ડિયાની 'બુર્જ ખલીફા', 71 માળ છે પણ કોઈ રહેતું નથી, 40 કરોડમાં મળે છે સૌથી સસ્તો ફ્લેટ

• ભારતની સૌથી ઊંચી રેસીડેન્સીયલ બિલ્ડીંગ કઈ
• મુંબઈના વર્લી ખાતે આવેલી છે આ બિલ્ડીંગ
• 40 કરોડ રૂપિયાનો છે સૌથી સસ્તો ફ્લેટ

બુર્જ ખલીફા વિશ્વની સૌથી ઊંચી ઇમારત છે તે મોટાભાગના લોકો જાણે છે. પરંતુ ભારતની સૌથી ઊંચી રેસીડેન્સીયલ બિલ્ડીંગ ક્યાં આવેલી છે તે બહુ ઓછા લોકો જાણતા હશે! તો તમારા આ સવાલનો જવાબ આપી દઈએ. ભારતની સૌથી ઊંચી રેસીડેન્સીયલ બિલ્ડીંગ મુંબઈના વર્લી ખાતે આવેલી છે. જેનું 2007 થી નિર્માણ કાર્ય ચાલી રહ્યું છે. પરંતુ હજી સુધી આ કામ પૂર્ણ થયું નથી. એક યા બીજા કારણોને પગલે કામમાં હંમેશા અડચણ ઊભી થાય છે અને કામ સંપૂર્ણપણે તૈયાર થયું નથી. આ ઈમારત સમયાંતરે ચર્ચામાં આવી રહી છે. નિર્માણની વાત રસપ્રદ અને ઉદાસી બને છે. 2007માં શરૂ થયેલા આ બાંધકામના પ્રોજેક્ટનો પાયો વિકાસ કાસલીવાલએ નાખ્યો હતો. જે રિયલએસ્ટેટ ડેવલોપર છે અને ભૂતકાળમાં શ્રીરામ અર્બન ઇન્ફ્રાના પ્રમોટર પણ રહી ચૂક્યા છે.

2013માં આ બિલ્ડિંગમાં એક ફ્લેટની બુકિંગ કિંમત 27 કરોડ રૂપિયા હતી
મહત્વનું છે કે આ બિલ્ડિંગમાં કુલ 72 માળ છે.આ ઈમારતને બનાવવામાં લગભગ 3000 કરોડ રૂપિયાનો ખર્ચ કરવામાં આવ્યો છે. આ એક પ્રીમિયમ રહેણાંક મકાનનો સમૂહબછે. કારણ કે તે ભારતની સૌથી ઊંચી રહેણાંક ઇમારત છે. અહીંના ફ્લેટની કિંમતની વાત કરવામાં આવે તો 2013માં આ બિલ્ડિંગમાં એક ફ્લેટની બુકિંગ કિંમત 27 કરોડ રૂપિયા હતી. ત્યારબાદ આજે સૌથી સસ્તા ફ્લેટની કિંમત પણ 40 કરોડ રૂપિયા સુધી પહોંચી ગઈ છે.

1000 કરોડ રૂપિયાનું કૌભાડ

 કાસલીવાલના આરોપ પ્રમાણે લગાવ્યો હતો કે આ બિલ્ડિંગના નિર્માણમાં 1000 કરોડ રૂપિયાનું કૌભાંડ થયું છે. બાદમા વિવાદમાં સપડાયેલા પ્રોજેકટનો મામલો કોર્ટમાં પહોંચ્યા બાદ કોર્ટ દ્વારા બાંધકામ પર પ્રતિબંધ મુકવામાં આવ્યો. મામલો આગળ વધતો ગયો અને પ્રોજેક્ટનો ખર્ચ દરરોજ વધતો ગયો હતો. આથી પ્રોજેક્ટના પ્રમોટર શ્રીરામ અર્બન ઈન્ફ્રા પોતે જ નાદારી નોંધાવી દેતા કંપનીએ ઇન્ડિયાબુલ્સ પાસેથી લોન લીધી બાદમાં હરાજીમાં નવા પ્રમોટર ઓનેસ્ટ શેલ્ટર પ્રાઇવેટ લિમિટેડ બન્યા હતા. જેતે સમયે પ્રોજેક્ટ 2022ના અંત સુધીમાં પૂરો થવાનો હતો. જોકે બાંધકામ હજુ સંપન્ન થયું નથી!