ICC Schedule / આગામી દસ વર્ષમાં 4 વખત ભારત કરશે ICC Tournament યજમાની, પાકિસ્તાન પહેલી વખત કરશે આ કામ

ICC એ આગામી નવ વર્ષનો રોડમેપ તૈયાર કર્યો છે. તેમણે તમામ ICC ટૂર્નામેન્ટ માટે યજમાનોની જાહેરાત કરી દીધી છે. 

ભારત ચારનું યજમાન 
ભારત આગામી 10 વર્ષમાં (2022 થી 2031) માં 10 ICC ટૂર્નામેન્ટમાંથી ચાર ટૂર્નામેન્ટનું આયોજન કરશે.

 

Are you ready for the best-ever decade of men’s white-ball cricket?

Eight new tournaments announced 🔥
14 different host nations confirmed 🌏
Champions Trophy officially returns 🙌https://t.co/OkZ2vOpvVQ pic.twitter.com/uwQHnna92F

— ICC (@ICC) November 16, 2021

આ સાથે જ પાકિસ્તાનને પણ ટૂર્નામેન્ટની યજમાની કરવાનો મોકો મળ્યો છે. 2025ની ચેમ્પિયન્સ ટ્રોફી પાકિસ્તાનમાં યોજાશે.

2024 થી નવો રોડમેપ તૈયાર
આઈસીસી દ્વારા 2024થી આઠ વર્ષ માટે નવો રોડમેપ તૈયાર કરવામાં આવ્યો છે. આ સાથે ICCએ ચેમ્પિયન્સ ટ્રોફીની વાપસીની પણ જાહેરાત કરી હતી. 2017ની ચેમ્પિયન્સ ટ્રોફી બાદ ICCએ તેને બંધ કરવાની જાહેરાત કરી હતી. જોકે, તે 2025માં પરત ફરી રહ્યું છે.

એટલે કે ચેમ્પિયન્સ ટ્રોફીની વાપસી બાદ પાકિસ્તાન પ્રથમ યજમાન બનશે. તો ભારત 2029માં Champions trophy ની યજમાની કરશે. આ સિવાય ભારત અને શ્રીલંકામાં 2026 માં T20 WORLD CUP અને 2031 ODI WORLD CUP પણ ભારત અને બાંગ્લાદેશમાં રમાશે. આ પહેલા 2023માં ભારતમાં ODI વર્લ્ડ કપ પણ રમાવાનો છે.

ICC ટૂર્નામેન્ટની યજમાની 

2022 T20 વર્લ્ડ કપ: ઓસ્ટ્રેલિયા
2023 ODI વર્લ્ડ કપ: ભારત
2024 T20 વર્લ્ડ કપ: યુએસએ અને વેસ્ટ ઈન્ડિઝ
2025 ચેમ્પિયન્સ ટ્રોફી: પાકિસ્તાન
2026 T20 વર્લ્ડ કપ: ભારત અને શ્રીલંકા
2027 ODI વર્લ્ડ કપ: દક્ષિણ આફ્રિકા, ઝિમ્બાબ્વે અને નામિબિયા
2028 T20 વર્લ્ડ કપ: ઓસ્ટ્રેલિયા અને ન્યુઝીલેન્ડ
2029 ચેમ્પિયન્સ ટ્રોફી: ભારત
2030 T20 વર્લ્ડ કપ: ઈંગ્લેન્ડ, આયર્લેન્ડ અને સ્કોટલેન્ડ
2031 ODI વર્લ્ડ કપ: ભારત અને બાંગ્લાદેશ

પાકિસ્તાન પહેલીવાર એકલા હાથે આયોજન કરશે
ક્રિકેટ ઈતિહાસમાં પહેલીવાર પાકિસ્તાન એકલા ICC મેજર ટૂર્નામેન્ટનું આયોજન કરશે. અગાઉ આ દેશ 1987 અને 1996માં ODI વર્લ્ડ કપની યજમાની કરી ચૂક્યો છે, પરંતુ તે પણ એકલા હાથે ન્હોતી પણ સહયોગી દેશો સાથે હતી. 

1987 વર્લ્ડ કપ ભારત અને પાકિસ્તાન દ્વારા સંયુક્ત રીતે યોજવામાં આવ્યો હતો. 1996 માં, ભારત, પાકિસ્તાન અને શ્રીલંકા સંયુક્ત યજમાન હતા. પ્રથમ વખત, પાકિસ્તાન એકલા 2025 ચેમ્પિયન્સ ટ્રોફી ટૂર્નામેન્ટની યજમાની કરશે.

2009માં શ્રીલંકાની ટીમ પર હુમલો થયો હતો
2009માં શ્રીલંકાની ટીમ પર થયેલા આતંકી હુમલા બાદ છ ટીમોએ પાકિસ્તાનનો પ્રવાસ કર્યો છે. 2015માં પ્રથમ વખત ઝિમ્બાબ્વેએ અહીં ચાર T20 મેચ રમી હતી. આ પછી વર્લ્ડ ઈલેવન અહીં ત્રણ મેચ રમી.

2017માં શ્રીલંકા, 2018માં વેસ્ટ ઈન્ડિઝ, 2020માં બાંગ્લાદેશ અને 2021માં દક્ષિણ આફ્રિકાએ પણ પાકિસ્તાનમાં મેચ રમી હતી. જો કે આ પછી ન્યૂઝીલેન્ડે પાકિસ્તાનમાં જઈને મેચ રમવાની ના પાડી દીધી હતી અને બાદમાં ઈંગ્લેન્ડે પણ પાકિસ્તાનનો પ્રવાસ રદ્દ કરી દીધો હતો.

જોકે, અત્યાર સુધી આફ્રિકા અને વેસ્ટ ઈન્ડિઝ જ એવી મોટી ટીમો છે જેણે પાકિસ્તાનનો પ્રવાસ કર્યો છે. આગામી કેટલાક મહિનામાં વેસ્ટ ઈન્ડિઝ અને ઓસ્ટ્રેલિયાની ટીમો પણ પાકિસ્તાનનો પ્રવાસ કરશે. વેસ્ટ ઈન્ડિઝની ટીમ 13 ડિસેમ્બરથી 22 ડિસેમ્બર સુધી ત્રણ ટી-20 અને ત્રણ વન-ડે રમવા માટે પાકિસ્તાન જશે.આ પછી ઓસ્ટ્રેલિયા 3 માર્ચથી 5 એપ્રિલની વચ્ચે પાકિસ્તાનનો પ્રવાસ કરશે. આ દરમિયાન ત્રણ ટેસ્ટ, ત્રણ વનડે અને એક ટી-20 મેચ રમાશે. પાકિસ્તાન 2023માં એશિયા કપની પણ યજમાની કરશે.