- આયર્લેન્ડ સામેની ત્રીજી T20 મેચ વરસાદના કારણે રદ્દ થઈ હતી
- જસપ્રીત બુમરાહની કેપ્ટન્સીમાં ભારતે સીરિઝ 2-0થી જીતી
- કેપ્ટન તરીકે પ્લેયર ઓફ ધ સિરીઝનો જીતનાર પાંચમો ખેલાડી બન્યો બુમરાહ
Player of the Series Jasprit Bumrah: ભારત અને આયર્લેન્ડ (IND vs IRE)વચ્ચેની ત્રીજી T20 મેચ વરસાદના કારણે રદ્દ થઈ ગઈ હતી. આ મેચમાં એક પણ બોલ ફેંકી શકાયો નહોતો. ગઈકાલે સતત વરસાદ પડી રહ્યો હતો જેના કારણે અમ્પાયરોએ મેચ રદ્દ કરવાનો નિર્ણય લીધો હતો. જો કે ટીમ ઈન્ડિયાએ પહેલા જ સીરિઝની પહેલી બે મેચ જીતી લીધી હતી. આ કારણે જસપ્રીત બુમરાહની(Jasprit Bumrah) કેપ્ટન્સીમાં ભારતે સીરિઝ 2-0થી જીતી છે. સીરીઝ જીતતાની સાથે જ બુમરાહે ઘણા મોટા રેકોર્ડ પોતાના નામે કરી લીધા.
બુમરાહે આ શાનદાર પ્રદર્શન કર્યું
કેપ્ટન જસપ્રિત બુમરાહે આયર્લેન્ડ સામેની પ્રથમ બે મેચમાં 4 વિકેટ ઝડપી હતી અને ઈકોનોમી પણ ખૂબ સારી હતી. આ કારણે તેને 'પ્લેયર ઓફ ધ સિરીઝ'નો એવોર્ડ આપવામાં આવ્યો હતો. ટી20 ઈન્ટરનેશનલમાં બુમરાહનો આ બીજો 'પ્લેયર ઓફ ધ સિરીઝ' એવોર્ડ (Player of the Series Jasprit Bumrah)છે. મહત્વનું છે કે આ સાથે જ બુમરાહે રોહિત શર્મા, યુઝવેન્દ્ર ચહલ, હાર્દિક પંડ્યા અને અક્ષર પટેલની બરાબરી કરી લીધી છે. આ ખેલાડીઓએ T20 ઈન્ટરનેશનલમાં બે 'પ્લેયર ઓફ ધ સિરીઝ' એવોર્ડ જીત્યા છે.
ભારત માટે T20I માં સૌથી વધુ પ્લેયર ઓફ ધ સિરીઝ એવોર્ડ મેળવનાર ખેલાડીઓ:
વિરાટ કોહલી - 7 એવોર્ડ
સૂર્યકુમાર યાદવ - 3 એવોર્ડ
ભુવનેશ્વર કુમાર - 3 એવોર્ડ
જસપ્રીત બુમરાહ - 2 એવોર્ડ
યુઝવેન્દ્ર ચહલ - 2 એવોર્ડ
રોહિત શર્મા - 2 એવોર્ડ
હાર્દિક પંડ્યા - 2 એવોર્ડ
અક્ષર પટેલ - 2 એવોર્ડ
આવું કરનાર પાંચમો ભારતીય બન્યો
જસપ્રીત બુમરાહ T20I માં કેપ્ટન તરીકે પ્લેયર ઓફ ધ સિરીઝનો એવોર્ડ જીતનાર પાંચમો ખેલાડી બની ગયો છે. તેની પહેલા સુરેશ રૈના, વિરાટ કોહલી, રોહિત શર્મા અને હાર્દિક પંડ્યા આ કારનામું કરી ચુક્યા છે. કોહલીએ કેપ્ટન તરીકે ટી20માં ત્રણ વખત પ્લેયર ઓફ ધ સિરીઝનો એવોર્ડ જીત્યો છે.
T20I માં પ્લેયર ઓફ ધ સિરીઝનો એવોર્ડ જીતનાર ભારતીય કેપ્ટન:
સુરેશ રૈના, ઝિમ્બાબ્વે સામે (2010)
વિરાટ કોહલી, શ્રીલંકા સામે (2017)
વિરાટ કોહલી વેસ્ટ ઈન્ડિઝ સામે (2019)
વિરાટ કોહલી, ઈંગ્લેન્ડ સામે (2021)
રોહિત શર્મા, ન્યુઝીલેન્ડ સામે (2021)
હાર્દિક પંડ્યા, ન્યુઝીલેન્ડ સામે (2023)
જસપ્રિત બુમરાહ, આયર્લેન્ડ સામે (2023)
