તમારા કામનું / IT રિટર્ન ફાઇલ કરવાની અંતિમ ડેડલાઇન તો ગઇ, છતાં જો નોટિસથી બચવું હોય તો હજુય છે વિકલ્પ, જાણો શું

• ITR ભરવાની કાલે હતી છેલ્લી તારીખ 
• 31 જુલાઈ સુધી 14 ટકા લોકોએ ન હતું ભર્યું ITR
• જાણો હવે આવા લોકો પાસે શું વિકલ્પ છે 

આવકવેરા વિભાગે કાલે ટ્વીટ કરીને આ જાણકારી આપી હતી કે નાણાકીય વર્ષ 2022-23 માટે 31 જુલાઈની સાંજ સુધી 6.50 કરોડથી વધારે ઈનકમ ટેક્સ રિટર્ન દાખલ કરવામાં આવ્યા. અમુક મીડિયા રિપોર્ટ અનુસાર કુલ ટેક્સપેયર્સમાંથી લગભગ 14 ટકાએ છેલ્લી તારીખ એટલે કે 31 જુલાઈ સુધી પોતાનું ITR દાખલ નથી કર્યું. 

 

Income Tax Department scales a new peak!

More than 6.50 crore ITRs have been filed so far (31st July), out of which about 36.91 lakh ITRs have been filed today till 6 pm!

We have witnessed more than 1.78 crore successful logins on the e-filing portal till 6 pm, today.

To… pic.twitter.com/urB0d3SMIC

— Income Tax India (@IncomeTaxIndia) July 31, 2023

ટેક્સપેયર્સ પાસે છે શું વિકલ્પ? 
જો તમે પણ આવા ટેક્સપેયર્સમાંથી એક છો જેમણે 31 જુલાઈ સુધી પોતાનું રિટર્ન ફાઈલ નથી કર્યું તો હવે તમારે પોતાનું ITR ફાઈલ કરવા માટે લેટ ફી આપવી પડશે. તેના ઉપરાંત તમને વ્યાજ દંડની પણ ચુકવણી કરવી પડશે. તમે લેટ ફી અને વ્યાજનો દંડ ભરીને 31 ડિસેમ્બર સુધી પોતાનું ITR ફાઈલ કરી શકો છો. 

કેટલો લાગશે દંડ? 
જો તમે પોતાનું ITR ફાઈલ નહીં કરી શક્યા તો હવે તમે દંડની સાથે કલમ 234એફ હેઠળ ITR ફાઈલ કરી શકો છો. જો તમારી ઈનકમ વાર્ષિક 5 લાખ રૂપિયાથી ઓછી છે તો તમારે 1000 રૂપિયાનો દંડ આપવોન પડી શકે છે અને જો તમારી આવક 5 લાખ રૂપિયાથી વધારે છે તો તમારે 5000 રૂપિયા સુધીનો દંડ ભરવો પડી શકે છે. 

કેટલું લાગશે વ્યાજ? 
ટેક્સ વખતે ચુકવણી પર આવકવેરા અધિનિયમ, 1961ની કલમ 234એ, બી અને સી હેઠળ વ્યાજ દંડ પણ લગાવવામાં આવશે. જોકે જો તમે શૂન્ય ITR દાખલ કર્યું છે તો તમે તેને લેટ ફી કે દંડ વગર 31 ડિસેમ્બર સુધી સંશોધિત કરી શકો છો. લેટ ફી ટેક્સ ચુકવણી માટે વ્યાજદર 1 ટકા દર મહિનાના હિસાબથી છે.