વડોદરામાં લવ જેહાદનો કિસ્સો સામે આવ્યો છે. ધોરણ-9માં અભ્યાસ કરતી વિદ્યાર્થિની સાથે દુષ્કર્મ આચાર્યાની ફરિયાદ ગોત્રી પોલીસ સ્ટેશનમાં નોંધાઈ છે. સગીરાએ ન્યાય માટે ગુહાર લગાવી છે.
Share
વડોદરામાં ફરી લવ જેહાદની ઘટના
વિદ્યાર્થિની સાથે વિધર્મી યુવકે દુષ્કર્મ આચર્યું
ગોત્રી પોલીસે આરોપીની કરી ધરપકડ
દેશમાં લવ-જેહાદને લઇ કાયદો બનાવવામાં આવ્યો છે. આમ છતાં અવાર-નવાર લવ જેહાદની ઘટના સામે આવતી હોય છે, ત્યારે વડોદરામાંથી ફરી લવ-જેહાદની ઘટના સામે આવી છે. વડોદરામાં ધોરણ 9માં અભ્યાસ કરતી વિદ્યાર્થિની સાથે દુષ્કર્મ આચરવામાં આવ્યું છે. વડોદરાના મોહિન પઠાણ નામના વિધર્મી યુવકે વિદ્યાર્થિની સાથે દુષ્કર્મ આચર્યું છે. જેની ગોત્રી પોલીસ સ્ટેશનમાં ફરિયાદ દાખલ થતાં પોલીસે આરોપી મોહિનની ધરપકડ કરી છે.
ફેક એકાઉન્ટ બનાવી કેળવી મિત્રતા
મળતી માહિતી મુજબ, આરોપી મોહિન સગીરાના ઘર પાસે ગેરેજમાં કામ કરતો હતો. જે બાદ સોશિયલ મીડિયાના માધ્યમથી તે સગીરાના સંપર્કમાં આવ્યો હતો. સગીરના જણાવ્યા અનુસાર, સોશિયલ મીડિયામાં મિત્રતા કેળવી આરોપી નરાઘમ પોતાનો બર્થ ડે હોવાનું કહી સગીરાને પોતાના ઘરે લઇ ગયો હતો અને પોતાના ઘરે જ સગીરા સાથે દુષ્કર્મ આચર્યું હતું. તેણે આર્યન નામથી એકાઉન્ટ બનાવ્યું હતું.
પોલીસે નરાધમની કરી ધરપકડ
આ મામલે સગીરા દ્વારા ગોત્રી પોલીસ સ્ટેશનમાં ફરિયાદ નોંધવામાં આવી છે. સગીરાની ફરિયાદના આધારે ગોત્રી પોલીસ સ્ટેશનની ટીમે મોહીન પઠાણ નામના શખ્સને દબોચી લીધો છે અને જેલ ભેગો કર્યો છે.
