- ઉત્તર પ્રદેશના આગ્રા પંથકનો ચકચારી કિસ્સો
- ગામના પ્રધાનના પુત્રએ મહિલાના ઘરમાં ઘુસી કરી છેડતી
- મહિલાની ભત્રીજીને મારી નાખવાની આપી ધમકી
ઉત્તર પ્રદેશના આગ્રા જિલ્લાના કાગરોલ પોલીસ મથક હેઠળ આવતા એક ગામનો છે. એક અજીબોગરીબ ઘટના સામે આવી હતી. જેમાં અડધી રાતે મહિલા પોતાના રૂમમાં સૂતી હતી. તેણીની સાથે પોતાની ભત્રીજી પણ સુતી હતી. આ દરમિયાન એક આરોપી યુવક ત્યાં ઘૂસી આવ્યો હતો અને તેમણે મહિલા અને સાથે છેડતી શરૂ કરી હતી. જ્યાં મહિલાએ પ્રતિકાર કરતા આરોપીએ મહિલાની ભત્રીજીનું ગળું દબાવી પતાવી દેવાની ધમકી આપી હતી. આથી ડઘાઈ ગયેલી મહિલાએ મૌન સીવી લીધું હતું. ખાસ વાત તો એ છે કે આરોપી ગામના વડાનો પુત્ર હોવાનું સામે આવ્યું હતું.
આજુબાજુના લોકો પણ દોડી આવ્યા
આરોપીની હરકતને પગલે મહિલાના સાસુ જાગી ગયા હતા. તેમણે રૂમ તરફ પહોંચી અને અજુગતો અવાજ સાંભળ્યા બાદ રૂમ બહારથી તાળું લગાવવી અને તેમણે પોતાના પુત્રો અને પતિ સહિતનાઓને જાણ કરી હોબાળો કર્યો હતો. જેને લઇને આજુબાજુના લોકો પણ દોડી આવ્યા હતા. જ્યારે લોકોએ દરવાજો ખોલી અને જોયું તો રૂમમાંથી આરોપી જે ગામના વડાનો પુત્ર હતો તે નીકળ્યો હતો.
મામલે પોલીસે કાર્યવાહી આગળ ધપાવી
આરોપીને જોઈ આજુબાજુના લોકો અને મહિલાના પરિવારજનો ચોંકી ગયા હતા. બાદમાં પ્રધાનનો પુત્ર ત્યાંથી નાસી છૂટ્યો હતો અને આ મામલે પ્રધાનને જાણ થતા તે દોડી આવ્યા હતા. તેઓએ લાજવાને બદલે ગાજી પીડિત મહિલાને થપ્પડ મારી હતી. એટલું જ નહીં પરિવારના સભ્યોને પણ ચૂપ રહેવાની ધમકી આપી હતી. જેને લઈને પરિવારજનો આઘાતમાં સારી પડ્યા હતા. બાદમાં હિંમત એકઠી કરી અને તેમને પોલીસ સ્ટેશનનો સંપર્ક કર્યો હતો હાલ આ મામલે પોલીસે કાર્યવાહી આગળ ધપાવી છે..
