ઊંઝા / ભાજપ કાર્યાલયમાં જ બાખડ્યા ભાજપના 2 મોટા નેતા, મામલો બન્યો ટોક ઓફ ધી ટાઉન

• મહેસાણાના ઊંઝામાં ભાજપાઈ બાખડ્યા 
• શહેર પ્રમુખ અને કારોબારી સભ્ય વચ્ચે બબાલ 
• પક્ષ વિરોધી પ્રવૃતિનો કારોબારી સભ્ય પર આરોપ 

વડાપ્રધાન નરેન્દ્ર મોદી બે દિવસીય  ગુજરાત પ્રવાસે આવ્યા. ત્રણ રોડ શોમાં ભારે માનવ મહેરામણનું અભિવાદન ઝીલ્યું. રાજ્યમાં 11 ખેલ મહાકુંભને ખુલ્લો મુકતા સંગઠન, સ્પોર્ટ્સમેન  સ્પીરીટ, અને બંધુત્વની ભાવના કેળવવા વાત કરી, પણ મહેસાણા ભાજપના કાર્યકરોને કદાચ આ વાતની ખબર જ નહિ હોય તેમ  શહેર ભાજપ પ્રમુખ અને યુવા ભાજપ કારોબારી સભ્ય બાખડ્યા  હતા  મહેસાણાના ઊંઝા ભાજપમાં વધુ એક બબાલથી મામલો ટોક ઓફ ધ ટાઉન બની ગયો છે.  
 

મહેસાણાના ઊંઝામાં શહેર ભાજપ પ્રમુખ શૈલેષ પટેલ અને કારોબારી સભ્ય ભાવિન પટેલ વચ્ચે કેટલાક કારણોસર વાત બગડી હતી. બંને એક બીજાની સામે આવી ગયા હતા અને મારામારી જેવા દૃશ્યો સર્જાતા સહેજમાં રહી ગયા હતા. ભાજપ શહેર પ્રમુખ શૈલેશ પટેલે, કારોબારી સભ્ય ભાવિન પટેલ પક્ષ વિરોધી પ્રવૃત્તિ કરતો હોવાનો આક્ષેપ લગાવ્યો હતો. આ ઘટના ભાજપ કાર્યાલયમાં જ બનતા  મામલો ટોક ઓફ ધ ટાઉન બન્યો હતો. યુવા મોરચા કારોબારી સભ્ય ભાવિન પટેલે શહેર પ્રમુખ પર માર  મારવાનો આક્ષેપ કર્યો હતો.