ગુજરાતનું ગૌરવ / એશિયન પેરા ગેમ્સમાં ગુજરાતીઓ ચમક્યા: 6 ખેલાડીઓએ 9 મેડલ જીતી રાજ્ય અને રાષ્ટ્રનું નામ કર્યું રોશન

• ચીનનાં હાંગજોઉ ખાતે એશિયન પેરા ગેમ્સનું કરાયું આયોજન
• એશિયન પેરા ગેમ્સમાં ૬ ગુજરાતી ખેલાડીઓએ ૯ મેડલ મેળવ્યા
• ૯ મેડલ મેળવીને રાજયનું નામ આંતરરાષ્ટ્રીય કક્ષાએ રોશન કર્યુ 

 ચીનના હાંગઝોઉ ખાતે તા.૨૦/૧૦/૨૦૨૩ થી તા.૨૮/૧૦/૨૦૨૩ દરમ્યાન એશિયન પેરા ગેમ્સનું આયોજન કરવામાં આવેલ હતું. જેમાં પેરા એથ્લેટીકસ, પેરા ટેબલ ટેનીસ, પેરા બેડમિન્ટન, પેરા પાવરલીફટીંગ, પેરા ચેસ, પેરા સાયકલીંગ અને બ્લાઇન્ડ ફુટબોલ રમતોમાં ગુજરાતના ૧૯ ખેલાડીઓએ દેશનું પ્રતિનિધિત્વ કરેલ છે.

એશિયન પેરા ગેમ્સમાં ચેસ વુમન્સ ઇન્ડિવિજ્યુઅલ સ્ટાન્ડર્ડ VI-B1 RND7 માં બ્રોન્ઝ મેડલ જીતવા બદલ હિમાંશી રાઠીને ખૂબ-ખૂબ અભિનંદન. હિમાંશીના કૌશલ્ય, મહેનત અને ખંત અન્ય અનેક રમતવીરો માટે પ્રેરણારૂપ બની રહેશે. હિંમાશી જીવનમાં સિદ્ધિના નવા શિખરો સર કરે તેવી શુભકામના. #AsianParaGames… pic.twitter.com/K70MgI6ZJP

— Bhupendra Patel (@Bhupendrapbjp) October 27, 2023

આ અગાઉ સાઉથ કોરીયા ખાતે યોજાયેલ એશિયન પેરા ગેમ્સ ૨૦૧૪ માં ગુજરાતના ૦૩ ખેલાડીઓ અને એશીયન પેરા ગેમ્સ ૨૦૧૮ માં ગુજરાતના ૦૯ ખેલાડીઓએ ભારતનું પ્રતિનિધિત્વ કરેલ હતુ. આમ, ઉત્તરોતર ગુજરાતના પેરા ખેલાડીઓએ આંતરરાષ્ટ્રીય કક્ષાએ રાજય તથા રાષ્ટ્રનું નામ રોશન કર્યુ છે.

એશિયન પેરા ગેમ્સમાં પેરા બેડમિન્ટન વુમન્સ ડબલ્સ SH6 ઈવેન્ટમાં બ્રોન્ઝ મેડલ જીતવા બદલ રચના પટેલને હાર્દિક અભિનંદન. ગુજરાતને અને સમગ્ર દેશને તમારી આ સિદ્ધિ માટે ગર્વ છે. @officialrachana ને યશસ્વી ભવિષ્યની શુભકામનાઓ. રચનાની સાથીદાર @07nithyasre ને પણ ખૂબ-ખૂબ અભિનંદન.… pic.twitter.com/hP26n0TByA

— Bhupendra Patel (@Bhupendrapbjp) October 27, 2023

ચીનના હાંગઝોઉ ખાતે યોજાયેલ એશિયન પેરા ગેમ્સમાં વિવિધ રમતોના ૬ ખેલાડીઓએ ૯ મેડલ મેળવીને રાજયનું નામ આંતરરાષ્ટ્રીય કક્ષાએ રોશન કર્યુ છે. જેમાં ભાવીનાબેન પટેલે પેરા ટેબલ ટેનીસમાં સીંગલ્સ ઇવેન્ટમાં બ્રોન્ઝ મેડલ, દર્પણ ઇનાનીએ ચેસ રમતમાં રેપીડ- સીંગલ્સ અને રેપીડ-ટીમ બંને ઇવેન્ટમાં ગોલ્ડ, હિંમાંશી રાઠીએ ચેસમાં સ્ટાડર્ડ-સીંગલ્સ અને સ્ટાડર્ડ-ટીમ એમ બંને ઇવેન્ટમાં બ્રોન્ઝ, નિમિષા સુરેશ સી. એ એથ્લેટીકસમાં લોંગ જમ્પ ઇવેન્ટમાં ગોલ્ડ, રચના પટેલે બેડમિન્ટન રમતમાં સીંગલ્સ ઇવેન્ટમાં બ્રોન્ઝ, અશ્વિન મકવાણાએ ચેસ રેપીડ- સીંગલ્સ ઇવેન્ટમાં બ્રોન્ઝ અને રેપીડ-ટીમ ઇવેન્ટમાં ગોલ્ડ જીતીને રાજ્ય અને દેશનું નામ આંતરરાષ્ટ્રીય કક્ષાએ રોશન કર્યું હતું.

એશિયન પેરા ગેમ્સ ટેબલ ટેનિસ વુમન્સ સીંગલ્સ – ક્લાસ 4 ઈવેન્ટમાં બ્રોન્ઝ મેડલ જીતવા બદલ ભાવિના પટેલને ખૂબ-ખૂબ અભિનંદન. આંતરરાષ્ટ્રીય કક્ષાએ ભાવિનાની અવિરત આગેકૂચ ગુજરાત સહિત સમગ્ર દેશ માટે ગૌરવરૂપ છે. ભાવિનાની મહેનત, ખંત, કૌશલ્ય અને સિદ્ધિ યુવા રમતવીરો માટે પ્રેરણાદાયી બની રહેશે.… pic.twitter.com/zvNXviuG7n

— Bhupendra Patel (@Bhupendrapbjp) October 25, 2023

એશિયન પેરા ગેમ્સમાં ભાગ લેનારા અન્ય ખેલાડીઓમાં સોનલબેન પટેલ, જસવંત ચૌધરી, પારૂલબેન પરમાર, રામસીંગ પઢીયાર, અજીતકુમાર પંચાલ, રાકેશ ભટ્ટ, મિત પટેલ, જગદીશ પરમાર, ખોડાજી દાનાજી ઠાકોર, ભાવના અજબાજી ચૌધરી, રામુભાઇ બાંભવા, ગીતાબેન રાવ,વિષ્ણુભા તેજુભા વાઘેલા વગેરેએ પણ દેશનું પ્રતિનિધિત્વ કર્યું હતું.