ફરીયાદ / ફેશિયલ દરમિયાન પાર્ટીશનનો ગેરલાભ ઉઠાવીને વિદ્યાર્થિની સાથે અડપલા, સુરતમાં નામચીન સલૂનના કર્મીની કરતૂત, કિસ્સો ચેતવતો

• સુરતમાં સલૂન કર્મીએ વિદ્યાર્થિની સાથે કર્યા અડપલા
• ફેશીયલ દરમિયાન પાર્ટીશનનો ગેરલાભ ઉઠાવ્યો
• તરૂણીએ માતાને જણાવતા સામે આવી હકીકત

સુરતમાં વિદ્યાર્થિની સાથે અડપલાની ચકચારી ઘટના બહાર આવતા ખળભળાટ મચી ગયો છે. જેમાં એક જાણીતા સલૂનના કર્મીએ વિદ્યાર્થિને અડપલા કર્યા હતા. મહત્વનુ છે જે સગીરા ફેશિયલ કરાવવા માટે ગઈ હતી આ દરમિયાન એકલતાનો લાભ લઇ તેણીને અડપલા કર્યા હતા જેને આ સમગ્ર ઘટનાની જાણ થતાં તરૂણી ચોંકી ઉઠી હતી. જે મામલો પોલીસ મથકે પહોંચતા પોલીસે તપાસ હાથ ધરી આરોપીને દબોચી લીધો છે.

માતા પિતાએ વેસુ પોલીસ સ્ટેશનમાં કરી ફરિયાદ
સુરતના વીઆઈપી રોડ પર આવેલું સલૂન ચર્ચામાં આવ્યું છે. સલૂનના કર્મીએ ફેશિયલ દરમિયાન તરૂણી સાથે બિભત્સ વાત કરી હતી. બાદમાં સલૂનમાં પાર્ટીશનની આડશનો ગેરલાભ લઈ શારિરીક અડપલાં કર્યા હતા. આ વેળાએ સલૂનમાં અન્ય બે કારીગરો પણ હાજર હતાં. જોકે તેઓ મોબાઈલમાં વ્યસ્ત હોવાનો દાવો કરાઈ રહ્યો છે. એટલું જ નહીં તરૂણીની માતા પણ સલૂનની બહાર બેઠી હતી. પોતાની સાથે શારિરીક અડપલાં થતાં તરૂણી તણાવમાં હતી. બાદમાં માતાએ પરિસ્થિતિ પારખી તરૂણીને પૂછતાં તેણે આપવીતી જણાવી હતી.

પોલીસે ગણતરીના કલાકોમાં આરોપીને પકડી લીધો

આ સાંભળતાની સાથે જ પરિવારજનો ચોંકી ઉઠ્યા હતા અને બાદમાં મામલો પોલીસ મથકે લઈ જવાયો હતો. જ્યા તરૂણીના માતા પિતાએ વેસુ પોલીસ સ્ટેશનમાં ફરીયાદ નોંધાવી હતી. આ ફરિયાદની ગંભીરતાને ધ્યાને લઈને પોલીસે પણ તપાસના ચક્રો ગતિમાન કર્યા હતા અને ગણતરીના કલાકોમાં આરોપીને પકડી પાડી તેની વિરુદ્ધ કાયદેસરની કાર્યવાહી હાથ ધરી છે.