નફફટાઈની હદ / "I @#$% *#@..રાજકોટમાં સડક છાપ રોમિયોની કરતૂત, યુવતીઓને બીભત્સ શબ્દો કહી પજવી, જુઓ વીડિયો

• રાજકોટમાં ચાલુ વાહનમાં યુવતીઓની છેડતી
• યુવતીઓની છેડતી કરતા શખ્સનો વીડિયો વાયરલ
• ચાલુ વાહનમાં યુવતીઓને બોલે છે બીભત્સ શબ્દો

એક સમયનું શાંત ગણાતું રાજકોટ શહેર હવે ક્રાઈમની ઘટનાઓનું ઘર બની ગયું હોય તેવી સ્થિતિનું નિર્માણ થઈ રહ્યું છે. દિવસેને દિવસે લુખ્ખા તત્વોને જાણે પોલીસનો કોઈ ડર જ ન રહ્યો હોય તેમ ભરબજારે ક્રાઈમની ઘટનાઓને અંજામ આપી રહ્યા છે. જેમાં પણ અમુક વિસ્તારોમાં રોમોયોના ત્રાસથી મહિલાઓ, યુવતીઓ તંગ આવી ગઈ છે. જેના બોલતા પુરાવારૂપ એક કિસ્સો સામે આવ્યો છે. જેમાં રાજકોટમાં ચાલુ વાહનમાં યુવતીઓની છેડતી કરવામાં આવી હોવાથી સભ્ય સમાજમા આક્રોશનો જ્વાળા ભભૂકી ઉઠ્યો છે. સાથે જ સડકછાપ હેવાનના આ કરતૂતને પગલે રાજ્યમાં મહિલા સુરક્ષાઓના કરાતા દાવાનો પણ પરપોટો ફૂટી ગયો છે.

યુવતીઓની છેડતી કરતા શખ્સનો વીડિયો વાયરલ 

રાજકોટમાં રોડ રોમિયોનો ત્રાસ દિવસેને દિવસે વધી રહ્યો છે. તેવામાં રાજકોટમાં એક યુવકે ટુ-વ્હીલર પર બેફામ ડ્રાઈવ કરી માર્ગ પરથી પસાર થતી એક સગીરા અને એક યુવતીની છેડતી કરી હતી. અસંસ્કારી આરોપીને જાણે કોઈનો ડર જ ન હોય તેમ યુવતીને બિભત્સ શબ્દો પણ બોલી દીધા હતાં આ વીડિયો સોશિયલ મીડિયામાં ઘણો વાયરલ થયો છે.

પોલીસે વાયરલ વીડિયો અંગે તપાસ હાથ ધરી 

આ વીડિયો સોશિયલ મીડિયામાં ધોમ વાયરલ થઈ રહ્યો છે. વીડિયો સામે આવતાની સાથે જ પોલીસ અધિકારીઓ ચોંકી ઉઠ્યા છે અને તેમણે તાબડતોબ હરકતમાં આવી તપાસના ચક્રો ગતિમાન કર્યા હતા. જેમાં આરોપીને ઝડપી લેવામાં પણ પોલીસને સફળતા સાંડપી છે. પોલીસે ગણતરીની કલાકોમાં આરોપીને દબોચી લીધા બાદ તેનું જાહેરમાં સરઘસ કાઢીને કાયદાના પાઠ ભણાવ્યાં હતા. પોલીસની આ તાત્કાલિક પગલાં લેવાની કામગીરી બેશક આવકારદાયક છે. પરંતુ ખુલ્લેઆમ છેડતી કરવા સહિતની લુખ્ખા તત્વો આટલી મોટી હિંમત કરે તે પોલીસની આબરૂ ધૂળધાણી થવા માફક છે. આવી ઘટનાઓ વારંવાર ન બને અને પોલીસના અસ્તિત્વ સામે સવાલો ન ઊભા થાય તે માટે અધિકારીઓએ આવા ગુન્હાઓમાં આકરી કાર્યવાહીની દિશામાં આગળ વધવું જોઈએ તેવી લોકો માંગ કરી રહ્યા છે.