રાજકારણ / ગુજરાતના આ નેતા સહિત બે યુવા ચહેરા કોંગ્રેસમાં સામેલ થાય તેવી અટકળો, 2022ની ચૂંટણીઓ પહેલા રાહુલ ગાંધીનો મોટો દાવ

• કોંગ્રેસમાં જોડાશે બે મોટા નેતા
• કનૈયા કુમાર અને જીગ્નેશ મેવાણી જોડાશે કોંગ્રેસમા
• 2022ની ચૂંટણીને લઈને કોંગ્રેસ એકશન મોડમાં 

ગુજરાતમાં 2022ની વિધાનસભા ચૂંટણીને લઈને રાજકારણમાં હલચલ જોવા મળી રહી છે. સત્તા પાર્ટી દ્વારા પહેલાથી નેતૃત્વમાં પરિવર્તન કરવામાં આવ્યું છે. સાથેજ મંત્રીમંડળ પણ બદલી કાઢવામાં આવ્યું. ત્યારે ચૂંટણીને લઈને કોંગ્રેસ પણ આ વખતે સક્રિય જોવા મળી રહી છે. કારણકે કોંગ્રેસ દ્વારા પણ પૂરજોશમાં અત્યારથી ચૂંટણીની તૈયારીઓ શરૂ કરી દેવામાં આવી છે. 

બંને નેતાઓને કારણે કોંગ્રેસને થશે મોટો ફાયદો 

સૂત્રો દ્વારા એવી માહિતી સામે આવી છે તે જવાહરલાલ નહેરુ વિશ્વવિદ્યાલય સંઘના ભૂતપૂર્વ પ્રમુખ કનૈયા કુમાર તેમજ ગુજરાત અપક્ષના ધારાસભ્ય જિગ્નેશ મેવાણી આ મહિનાના અંતમાં એટલે કે સપ્ટેમ્બરના અંત સુધીમાં કોંગ્રેસમાં જોડાઈ શકે છે. જેથી કોંગ્રેસને આ બંને નેતાથી ઘણો ફાયદો થઈ શકે છે. 

28 સપ્ટેમ્બરે કોંગ્રેસમાં જોડાય તેવી શક્યતા 

પંજાબમાં કોંગ્રેસમાં હાલ જે ઉથલ પાથલ ચાલી રહી છે. તે થોડાક દિવસમાં સમાપ્ત થયા બાદ 28 સપ્ટેમ્બરના રોજ શહિદ ભગતસિંહના જન્મ દિવસે બંને નેકા કોંગ્રેસનો હાથ પકડશે. સમગ્ર મામલે કોંગ્રેસના કાર્યકારી અધ્યક્ષ હાર્દિક પટેલ આ બંને યુવા નેતાઓ અને કોંગ્રેસના નેતૃત્વ વચ્ચે મધ્યસ્થી બન્યા છે તેવી સૂત્રો દ્વારા માહિતી સામે આવી છે. 

અપક્ષના ધારાસભ્ય છે જીગ્નેશ મેવાણી 

ઉલ્લેખનીય થે કે કનૈયા કુમારની પહેલા  દેશવીરોઘી નારેબાજી કરવા મામલે ધરપકડ થઈ હતી. ત્યારબાદ તેઓ ચર્ચામાં આવ્યા હતા. સાથેજ તેઓ ગત લોકસભા ચૂટણીમાં બિહારના બેગૂસરાયથી મંત્રી ગિરિરાજ સિહ સામે ઉભા રહ્યા હતા જોકે તેઓ હારી ગયા હતા. તો બજી તરફ જીગ્નેશ મેવાણી પણ દલિત સમાજ છે. સાથેજ તેઓ વડગામ વિધાનસભમાં અપક્ષના ધારાસભ્ય પણ છે.