તંદુરસ્ત ખોરાક / આજકાલ બાળકોના વાળમાં વધી રહી છે આ સમસ્યા, છૂટકારો મેળવવા ડાયટમાં સામેલ કરો આ વસ્તુઓ

• ખરાબ લાઈફસ્ટાઈલનો પ્રભાવ બાળકો પર પણ પડે છે
• વાળ ખરવા, વાળ ડ્રાય થવા જેવી સમસ્યાનો સામનો કરે છે બાળકો
• બાળકોના આહારમાં આ વસ્તુઓનો કરો ઉપયોગ, થશે સમસ્યા દૂર

આમ તો ઘણા લોકોને ગ્રે વાળ કરવાનો પણ શોખ હોય છે. પરંતુ વાળનો કાળો રંગ મોટાભાગના લોકોને પસંદ આવે છે. વાળ સફેદ થવા પાછળ સ્ટ્રેસ, જેનેટિક્સ અથવા પોષક તત્વોમાં કમી જેવા કારણો જવાબદાર હોઈ શકે છે.  પોષક તત્વોની કમીને આહાર દ્વારા પૂર્ણ કરી શકાય છે.  

ઈંડા

બાળકોના આરોગ્ય માટે આ એક બેસ્ટ ફૂડ માનવામાં આવે છે. જેમાં રહેલુ પ્રોટીન આરોગ્યની દ્રષ્ટિએ ખૂબ લાભકારી હોય છે. જો તમે અને તમારું બાળક નૉનવેજ ખાવાના  શોખીન છો તો અઠવાડિયામાં ઓછામાં ઓછા તેને ત્રણ વખ ઈંડા ખાવા માટે આપો. જેનાથી વાળ સફેદ થવાની સમસ્યા દૂર થશે અને વાળ હેલ્થી પણ થશે. 

ડ્રાયફૂટ્સ

ડ્રાયફૂટ્સમાં રહેલ ઓમેગા-3 ફેટી એસિડ વાળને સારા રાખવામાં મદદગાર સાબિત થાય છે. એટલું જ નહીં, કેટલાંક ડ્રાયફૂટ્સમાં કોપર પણ પુષ્કળ માત્રામાં જોવા મળે છે અને આ શરીરમાં મેલાનિનનું પ્રોડક્શન પણ વધારે છે. જો તમે ઈચ્છો તો બાળકના ડાયટમાં બદામ અને અખરોટનો સમાવેશ કરી શકો છો. કારણકે જોવામાં આલવે તો તેમાં મેલાનિનને વધારવાની ક્ષમતા વધુ હોય છે. 

લીલા પાંદડાવાળા શાકભાજી

લીલા પાંદડાવાળા શાકભાજીમાં વિટામિન ઈ અને સી પુષ્કળ માત્રામાં હોય છે. આ શાકભાજીનું સેવન કરવાથી સ્કિન અને વાળની જગ્યા પર પણ બ્લડ સર્ક્યુલેશન સારું રહે છે. ખરેખર, સ્કેલ્પમાં બ્લડ સર્ક્યુલેશન ના થવાથી વાળ ખરવા અને સમય પહેલા વાળ સફેદ થવાનું શરૂ થઇ જાય છે. એવામાં બાળકોને લીલા પાંદડાવાળા શાકભાજીનું સેવન કરાવવુ અત્યંત જરૂરી છે.