મહામંથન / ખનીજનું ગેરકાયદે ખનન અટકે કઇ રીતે? ખનીજ માફિયાના નેટવર્ક તોડવાનો ફોર્મ્યૂલા શું? ખનીજની સુરક્ષા માટે કેવી વ્યવસ્થાઓ જરૂરી?

રાજયમાં ખનીજ લૂંટાવવાનો કારસો કોઇ રીતે અટકી નથી રહ્યો. ઝાલાવાડ હોય, સૌરાષ્ટ્ર હોય કે પછી ઉત્તર ગુજરાત હોય. કુદરતની સંપતિને લૂંટવાનો કોઇનો અધિકાર નથી પરંતુ આ ખનીજને ચોરવાનો કેટલાક માફિયાઓએ ધંધો બનાવી દીધો છે. અને તે ધંધાને પાર પાડવા અવનવા કિમીયા અપનાવી રહ્યાં છે. તંત્ર ને પણ સતત તેમની સામે હથિયાર નીચા મુકી દેવાનો વારો આવે છે. વાત પંચમહાલની કરીએ કે જ્યાં VTV NEWSએ એ પડતાળ કરી કે ખનન માફિયા કેવી રીતે તેમના મનસુબા પાર પાડે છે? 

• પંચમહાલમાં ખનીજ માફિયાઓની જાસૂસી થતી હોવાનો ઘટસ્ફોટ
• ખનીજ માફિયા અધિકારીઓની કરી રહ્યા હતા જાસૂસી
• અધિકારીઓની પાછળ ખનીજ માફિયા મોકલતા હતા પોતાના માણસ

તો બાતમીદારોના મજબૂત નેટવર્કને કારણે ખનન થતું હોવાની વાત સામે આવી. માત્ર વોટ્સગૃપના ઉપયોગથી કુદરતના ખજાના લૂંટાઇ રહ્યાં છે. તે સ્પષ્ટ થયું. રેકી કરીને અધિકારીઓની રેડને ફેઇલ કરવામાં આવી રહી છે તે સાબિત થયું. હવે સવાલ એ છે કે શું બાતમીદારોનું નેટવર્કથી ખનીજનો ભંડાર લૂંટાતો જ રહેશે? ખનીજનું ગેરકાયદે ખનન અટકે કઇ રીતે? ખનીજ માફિયાના નેટવર્ક તોડવાનો ફોર્મ્યૂલા શું? ખનીજની સુરક્ષા માટે કેવી વ્યવસ્થાઓ જરૂરી છે? 

વોટ્સએપ ગ્રુપમાં અધિકારીઓની લોકેશન કરાતી હતી શેર
અધિકારીઓની ગાડીઓના નંબર કહીને અપાતી હતી માહિતી
દરોડાની કાર્યવાહીથી બચવા માટે ખનીજ માફિયા કરતા હતા ષડયંત્ર

પંચમહાલમાં ખનીજ માફિયાઓની જાસૂસી થતી હોવાનો ઘટસ્ફોટ થયો છે. ખનીજ માફિયા અધિકારીઓની જાસૂસી કરી રહ્યા હતા. ખનીજ માફીયાઓ અધિકારીઓની પાછળ પોતાના માણસ મોકલતા હતા. ખનીજ માફિયાઓ અધિકારીના લોકેશન શેર કરવા વોટ્સએપ ગ્રુપ બનાવ્યું હતું.  અધિકારીઓના વાહન,લોકેશન અને ગતિવિધિ પર નજર રાખતા હતા. વોટ્સએપ ગ્રુપમાં અધિકારીઓનાં લોકેશન શેર થતા હતા. અધિકારીઓની ગાડીઓના નંબર કહીને માહિતી અપાતી હતી. દરોડાની કાર્યવાહીથી બચવા માટે ખનીજ માફિયા ષડયંત્ર કરતા હતા.

 

કોની-કોની થતી હતી જાસૂસી?

SDM ગોધરા

SDM હાલોલ

પુરવઠા અધિકારી

જિલ્લા મામલતદર

ખાણ ખનીજ વિભાગના અધિકારી

• ખાણ ખનીજ વિભાગના અધિકારીની જાસૂસીનો VTV NEWSએ કર્યો પર્દાફાશ
• વોટ્સએપ ગ્રુપમાં લોકેશન શેર કરાતી હોવાનો કરાયો હતો પર્દાફાશ
• વોટ્સએપમાં શેર કરાતો ઓડિયો VTV NEWSએ કર્યો હતો પ્રસારિત

VTV NEWSનો અસરદાર અહેવાલ
ખાણ ખનીજ વિભાગના અધિકારીની જાસૂસીનો VTV NEWSએ કર્યો પર્દાફાશ કર્યો હતો.  વોટ્સએપ ગ્રુપમાં લોકેશન શેર કરાતી હોવાનો પર્દાફાશ કરાયો હતો. વોટ્સએપમાં શેર કરાતો ઓડિયો VTV NEWSએ પ્રસારિત કર્યો હતો. VTV NEWSએ અહેવાલ પ્રસારિત કરતા સ્થાનિક તંત્ર હરકતમાં આવ્યું હતું.  જાસૂસી મામલે પોલીસે ગદુકપૂર ગામમાંથી 3 લોકોની કરી અટકાયત કરી હતી.  આરોપીઓ પાસેથી પોલીસે 5 મોબાઈલ  જપ્ત કર્યા હતા. આરોપીઓના મોબાઈલમાંથી પોલીસને 6 જેટલા વોટ્સએપ ગ્રુપ મળ્યા હતા.

જાસૂસી મામલે પોલીસે ગદુકપૂર ગામમાંથી 3 લોકોની કરી અટકાયત
આરોપીઓ પાસેથી પોલીસે 5 મોબાઈલ કર્યા હતા જપ્ત
આરોપીઓના મોબાઈલમાંથી પોલીસને 6 જેટલા વોટ્સએપ ગ્રુપ મળ્યા
 

ખનીજ માફિયા પર કોણ લગાવશે લગામ?
VTV NEWSના અહેવાલ બાદ ખનીજ માફિયા વોટ્સએપ ગ્રુપમાંથી રિમૂવ થયા હતા.  'પોલીસ પકડી રહી છે જલ્દી ગ્રુપ લેફ્ટ કરો'નો માફિયાઓ મેસેજ વાયરલ કર્યો હતો. અગાઉ ગ્રુપ ડિલિટ થયા બાદ આજે ફરી ખનીજ માફિયા એક્ટિવ થયા. અગાઉનું ગ્રુપ ઝડપાયા બાદ હવે ગ્રુપમાં એડ કરવાનો ચાર્જ જાહેર કરાયો. ગ્રુપમાં જોડાવા માટે બાતમીખોરોનો 500 રૂપિયાની ફી ચૂકવવાનો આદેશ કર્યો હતો.  કોઇ પણ વ્યક્તિ ગ્રુપમાં પૈસા આપી જોડાઇ શકે તેવો ઓડિયોમાં ઉલ્લેખ પણ કરાયો હતો.