તમારા કામનું / ઘરે બેઠા ફક્ત 10 મિનિટમાં બનાવો PAN card, અહીં જાણી લો સ્ટેપ ટૂ સ્ટેપ પ્રોસેસ

• ધણા લોકો પાસે આજે પણ નથી પાનકાર્ડ 
• ઘરે બેઠા માત્ર 10 મિનિટમાં બનાવો પાનકાર્ડ 
• એ પણ બિલકુલ ફ્રીમાં 

આમ તો તમે બધા જાણો જ છો કે આજના સમયમાં કોઈ પણ ફાઈનાન્શિયલ કે બેંકિંગ સાથે જોડાયેલા કામકાજ માટે પાન કાર્ડની જરૂર સૌથી પહેલા હોય છે. એવામાં જો પાન કાર્ડ ન હોય તો ઘણી મુશ્કેલીઓ આવી શકે છે. 

પરંતુ જણાવી દઈએ કે સરકારે એક એવી વ્યવસ્થા કરી છે જેનાથી ફક્ત 9 મિનિટમાં ઘરે બેઠા આ જરૂરી ડોક્યુમેન્ટ બનાવી શકાય છે અને તે પણ બિલકુલ ફ્રીમાં. આ પ્રોસેસથી પાન કાર્ડ નંબર પણ તરત જનરેટ થઈ જશે. 

આધાર કાર્ડ પર આપવામાં આવશે પાન કાર્ડ 
ટેક્સ પેયર્સને ઈ પાન આધાર કાર્ડના આધાર પર આપવામાં આવશે. તેના માટે આધારમાં આપવામાં આવેલી દરેક જાણકારી, નામ, જન્મતિથિ, લિંગ દરેક વસ્તુ એકદમ યોગ્ય હોવું જોઈએ. ઈ પાન અને આધારની જાણકારી મેચ કરવી જોઈએ. 

કરદાતાને પોતાના આધાર કાર્ડ સાથે લિંક મોબાઈલ નંબર પણ આપવાનો રહેશે. તેના પર વન ટાઈમ પાસવર્ડ કે ઓટીપી આવશે. આ મોબાઈલ નંબર વેરિફાઈડ હોવો જોઈએ. 

કઈ રીતે કરશો ઈન્સ્ટન્ટ પાન માટે એપ્લાય? 

• ઈ પાન કાર્ડ બનાવવા માટે સૌથી પહેલા આવક વેરા વિભાગની વેબસાઈટ www.incometaxindiaefiling.gov.in પર જાઓ. 
• ક્વિક લિંક્સમાં સૌથી ઉપર આવી રહેલા Instant e PAN પર ક્લિક કરો. 
• ત્યાર બાદ આપવામાં આવેલી ગાઈડ-લાઈન્સને ધ્યાનથી વાંચો. પછી એપ્લાય ઈન્સ્ટન્ટ ઈ પાન પર ક્લિક કરો. 
• તેના બાદ યુઝરને જણાવવામાં આવશે ફોર્મ ભરતી વખતે શું ભુલો નથી કરવાની. 
• હવે ન્યૂ ઈ પાન પેજ પર પોતાનો આધાર નંબર નોંધ્યા બાદ કન્ફર્મ ચેકબોક્સ પસંદ કરો અને આગળ વધો પર ક્લિક કરો. 
• ઓટીપી વેલિડેશન પેજ પર "મેં શરતોને વાંચી લીધું છે અને આગળ વધવા માટે સહમત છું." પર ક્લિક કરો. 
• હવે આધાર સાથે જોડાયેલા મોબાઈલ નંબર પર પ્રાપ્ત 6 આંકડાનો ઓટીપી નોંધો. 
• UIDAIની સાથે આધારની જાણકારીને વેરિફાઈ કરવા માટે ચેકબોક્સની પસંદગી કરો અને કન્ટીન્યૂ પર ક્લિક કરો. 
• વેલિડેશન આધાર ડિટેલ પેજ પર "હું ચેકબોક્સને સ્વીકાર કરૂ છું"ની પસંદગી કરો અને કન્ટીન્યૂ પર ક્લિક કરો. 
• તેની સાથે જ તમારે આધાર સાથે લિંક મોબાઈલ નંબર પર પણ એક પુષ્ટિકરણ મેસેજ આવશે. 
• ભવિષ્યના માટે એક્નોલજમેન્ટ ઓઈડીને નોટ કરી લો. 

કઈ રીતે ડાઉનલોડ કરશો ઈ પાન? 

• તમારા યુઝર આઈડી અને પાસવર્ડથી e Filing portalમાં લોગ ઈન કરો. 
• પોતાના ડેશબોર્ડ પર સર્વિસ> ઈ પાન જુઓ/ ડાઉનલોડ કરો પર ક્લિક કરો. 
• તમે પોતાના 12 આંકડાનો આધાર નંબર નોંધો અને કન્ટીન્યૂ પર ક્લિક કરો.
• ઓટીપી વેલિડેશન પેજ પર પોતાના આધારની સાથે રજીસ્ટર્ડ મોબાઈલ નંબર પર પ્રાપ્ત 6 આંકડાનો ઓટીપી નોંધો. 
• હવે તમે પોતાના ઈ પાનની સ્થિતિ જોઈ શકશો. 
• જો કોઈ નવું ઈ પાન જનરેટ કરવામાં આવ્યું છે તો કોપી ડાઉનલોડ કરવા માટે ઈ પેન ડાઉનલોડ કરો.