પ્રવાસ / ગૃહમંત્રી અમિત શાહ આવશે અમદાવાદ, અંદાજીત 500 કરોડથી પણ વધુના વિકાસકાર્યોને મૂકશે ખુલ્લા, જાણો સમગ્ર કાર્યક્રમ

• ગૃહમંત્રી અમિત શાહ ગુજરાત આવશે
• લોકસભા વિસ્તારમાં યોજનાઓનું ખાતમુહૂર્ત કરશે
• 500 કરોડથી વધુના પ્રોજેકટ ખુલ્લા મુકાશે

કેન્દ્રીય ગૃહમંત્રી અમિત શાહ ગુજરાતના પ્રવાસે આવી રહ્યા છે. આ દરમિયાન તેઓ વિકાસ કાર્યના લોકાર્પણ, ખાતમુહૂર્ત ઉપરાંત અનેક કાર્યક્રમમાં હાજરી આપશે. AMCના અંદાજીત 500 કરોડથી પણ વધુના કાર્યો અમિત  શાહના હસ્તે ખુલ્લા મુકવામાં આવશે. ઉપરાંત અમદાવાદ ખાતે AMC અને ઔડા અંતર્ગત આવતા પ્રોજેક્ટનું ખાતમુહૂર્ત અને લોકાર્પણ કરવામા આવશે. વધુમાં ગાંધીનગર લોકસભા અંતર્ગત આવતા વિસ્તારની યોજનાઓનું પણ ઉદ્ઘાટન કરવામાં આવશે.

17 કરોડના ખર્ચે તૈયાર થયેલા સુએઝ ટ્રીટમેન્ટ પ્લાન્ટનું લોકાર્પણ

જેમાં નારણપુરા બેઠક પર 1.5 કરોડના ખર્ચે તૈયાર થયેલું જીમનેશિયમ તેમજ રૂપિયા 1.5 કરોડના ખર્ચે તૈયાર થયેલી લાઇબ્રેરીને પણ ખુલ્લી મુકવામાં આવશે. એ જ રીતે ચાંદલોડિયામાં 17 કરોડના ખર્ચે તૈયાર થયેલા સુએઝ ટ્રીટમેન્ટ પ્લાન્ટનું લોકાર્પણ કરવામાં આવશે. તો કેન્દ્રીય ગૃહમંત્રી અમિત શાહના હસ્તે 300 કરોડના ખર્ચે તૈયાર થયેલા 2500 આવાસનો ડ્રો કરવામાં આવશે.

જામનગરમા કરશે રાત્રી રોકાણ

વધુમા કેન્દ્રીય ગૃહ અને સહકારિતા મંત્રી અમિત શાહ તા.20મે ના રોજ દ્વારકા ખાતે આયોજિત વિવિધ કાર્યક્રમોમાં ઉપસ્થિત રહેનાર છે. ત્યારે આવતીકાલે રાત્રે રાત્રે 10 :30 કલાકે તેઓ જામનગર આવી પહોંચશે. અને સર્કિટ હાઉસ ખાતે રાત્રિ રોકાણ કર્યા બાદ સવારે 11 : 00 કલાકે હેલિકોપ્ટર મારફતે દ્વારકા જવા માટે રવાના થશે. ભગવાન દ્વારકાધીશના દર્શન કર્યા બાદ તેઓ વિવિધ કાર્યક્રમોમાં ઉપસ્થિત રહશે ત્યારબાદ જામનગરથી તેઓ અમદાવાદ જવા રવાના થશે.