વિવાદ / અંતિમ ચુકાદા સુધી સ્કૂલોમાં ધાર્મિક પોશાક પર પ્રતિબંધ, હિજાબ વિવાદ પર કર્ણાટક હાઈકોર્ટનો મોટો ચુકાદો

• હિજાબ વિવાદ પર કર્ણાટક હાઈકોર્ટનો મોટો ચુકાદો
• અંતિમ ચુકાદા સુધી શૈક્ષણિક સંસ્થાઓમાં ધાર્મિક પોશાક પ્રતિબંધ
• ત્યાં સુધી સ્કૂલ-કોલેજો શરુ કરી શકાય-હાઈકોર્ટ
• હિજાબ વિવાદને પગલે સરકારે સ્કૂલ-કોલેજ બંધ કરી રાખી છે
• હાઈકોર્ટ હવે સોમવારે ફરી કરશે સુનાવણી

હિજાબ પહેરવાની માંગ કરનારાઓને કર્ણાટક હાઈકોર્ટે મોટો ફટકો આપ્યો છે. ગુરુવારે કર્ણાટક હાઈકોર્ટમાં હિબાજ વિવાદ મામલે સુનાવણી યોજાઈ હતી. કર્ણાટક હાઈકોર્ટના મુખ્ય ન્યાયાધીશ ઋતુરાજ અવસ્થીની અધ્યક્ષતાવાળી ન્યાયાધીશ કૃષ્ણ એસ દીક્ષિત અને જેએમ ખાજીની ખંડપીઠ આ મામલે ચુકાદો જાહેર કરતા એવું જણાવ્યું કે જ્યાં સુધી કોર્ટનો અંતિમ આદેશ ન આવે ત્યાં સુધી સ્કૂલો અને કોલેજોમાં ધાર્મિક પોશાક પહેરવા પર પ્રતિબંધો રહેશે જોકે સરકારે ત્યાં સુધી સ્કૂલો અને કોલેજો ચાલુ કરી શકે છે. ચીફ જસ્ટિસે એવું પણ કહ્યું કે વિદ્યાર્થીઓ ધાર્મિક ડ્રેસ માટે જીદ ન કરી શકે. ઉલ્લેખનીય છે કે હિબાજ વિવાદ વકરતા કર્ણાટક સરકારે 3 દિવસ સુધી સ્કૂલો અને કોલેજો બંધ કરી દીધી છે. 

#HijabRow: Karnataka HC says it will pass an order directing reopening of colleges, asks students not to insist on wearing such religious things till the disposal of the matter

Court says peace & tranquillity must be restored, adjourns the matter for Monday pic.twitter.com/PdtaAvED4n

— ANI (@ANI) February 10, 2022

હવે આ કેસની આગામી સુનાવણી સોમવારે બપોરે 2:30 વાગ્યે 

અંતિમ ચુકાદો ન આવે ત્યાં સુધી સ્કૂલોમાં ધાર્મિક પોશાક પહેરવા પર પ્રતિબંધ મૂક્યા બાદ કર્ણાટક હાઈકોર્ટ હવે સોમવારે 2.30 વાગ્યે આ કેસની વધુ સુનાવણી કરશે ત્યાં સુધી સ્કૂલોમાં હિજાબ નહીં પહેરી શકાય. 

હિજાબ કવરેજમાં મીડિયા ધ્યાન રાખે-કર્ણાટક હાઈકોર્ટ 

સુનાવણી દરમિયાન કર્ણાટક હાઈકોર્ટના ચીફ જસ્ટિસે મીડિયાને અપીલ કરી હતી કે તેઓ કોર્ટના આદેશને જોયા વિના દલીલો દરમિયાન કોર્ટ દ્વારા કરવામાં આવેલી કોઈ પણ ટિપ્પણીની જાણ ન કરે. "જ્યાં સુધી આદેશ પૂર્ણ ન થાય ત્યાં સુધી સોશિયલ મીડિયા, અખબારો અથવા ક્યાંય પણ જાણ કરશો નહીં.આ પહેલા બુધવારે કર્ણાટક હાઈકોર્ટમાં સુનાવણી થઈ હતી. દરમિયાન, આ કેસની સુનાવણી કરી રહેલા કર્ણાટક હાઇકોર્ટના જજ જસ્ટિસ કૃષ્ણા દીક્ષિતે આ મામલાને મોટી બેન્ચને મોકલવાનો નિર્ણય કર્યો હતો. જસ્ટિસ દીક્ષિતે કહ્યું હતું કે, "આ કેસમાં વચગાળાની રાહતના સવાલ પર પણ મોટી બેન્ચ વિચાર કરશે.