અમદાવાદ / ઈસ્કોન બ્રિજ અકસ્માત કેસમાં તથ્યના પિતા પ્રજ્ઞેશ પટેલને હાઈકોર્ટે આપી મોટી રાહત, અમદાવાદમાં એન્ટ્રી મંજૂર

• પ્રજ્ઞેશ પટેલને ગુજરાત હાઈકોર્ટમાંથી રાહત
• હાઈકોર્ટે પ્રજ્ઞેશ પટેલની અરજી મંજૂર કરી
• અમદાવાદમાં પ્રવેશવાની અરજી મંજૂર
• હવે પ્રજ્ઞેશ પટેલ અમદાવાદમાં કરી શકશે પ્રવેશ

ISKCON bridge accident case: અમદાવાદના ઇસ્કોન બ્રિજ પર જેગુઆર કારથી 9 જેટલાં લોકોને મોતને ઘાટ ઉતારનારા તથ્ય પટેલનાં પિતા પ્રજ્ઞેશ પટેલની અમદાવાદમાં પ્રવેશવાની અરજી ગુજરાત હાઈકોર્ટે મંજૂર કરી છે.  અમદાવાદ શહેરમાં પ્રવેશવા દેવાની માંગ સાથે અરજી કરાઈ હતી. જે અરજી જસ્ટીસ એમ આર મેંગડે ગ્રાહ્ય રાખી છે. 

કોર્ટે શહેરમાં પ્રવેશવાની મંજૂરી આપી 
પ્રજ્ઞેશ પટેલએ અરજીમાં પોતાની પત્ની બીમાર હોવાનો ઉલ્લેખ કર્યો હતો. સાથો સાથ પોતાના વ્યવસાય અમદાવાદ શહેર સાથે સંકળાયેલો હોવાથી અનેક અગવડતાઓ પડતી હોવાનો પણ અરજીમાં ઉલ્લેખ કર્યો હતો. આ તમામ બાબતોને ગ્રાહ્ય રાખી કોર્ટે અમદાવાદ શહેરમાં પ્રવેશવાની મંજૂરી પણ આપી છે.

અગાઉ શરતી જામીન આપવામાં આવ્યા હતા
અત્રે જણાવીએ કે, ગુજરાત હાઈકોર્ટ દ્વારા અગાઉ પ્રજ્ઞેશ પટેલને શરતી જામીન આપવામાં આવ્યાં હતા. તપાસ પૂરી થઈ ગઈ હોવાથી અને કેન્સરની સારવાર ચાલી રહી હોવાની કોર્ટમાં દલીલ કરવામાં આવી હતી. જેને લઈ 3 મહિના 11 દિવસ બાદ આરોપી તથ્યના પિતા પ્રજ્ઞેશ પટેલને શરતી જામીન મળ્યા હતા

વાંચવા જેવું: ગુજરાતનાં 17 પોલીસ જવાનોને પ્રેસિડેન્ટ મેડલ તથા વિશિષ્ટ સેવા મેડલ એનાયત: જુઓ આખું લિસ્ટ 

પ્રજ્ઞેશ પટેલ કોણ છે
એકસાથે 9 લોકોનો જીવ લેનાર તથ્ય પટેલ ગોતાના કુખ્યાત પ્રજ્ઞેશ પટેલ દીકરો હોવાનું સામે આવ્યું હતું. એવું પણ જાણવા મળ્યું હતું કે, અકસ્માત સર્જાયા બાદ પ્રજ્ઞેશ પટેલે ઘટનાસ્થળે પહોંચીને પોલીસ સાથે દાદાગીરી કરી હતી અને તથ્યને છોડાવીને રાત્રે જ લઇ ગયો હતો. આપને જણાવી દઈએ કે, પ્રજ્ઞેશ પટેલ ગુનાહિત ઈતિહાસ ધરાવે છે. નવેમ્બર 2020માં તેની સામે દુષ્કર્મની ફરિયાદ નોંધાઈ હતી.