અમર જવાન / તેરી મિટ્ટી મેં મિલ જાવાં... શહીદ જવાનની અંતિમ યાત્રામાં હિબકે ચડ્યું અમદાવાદ, ભીની આંખો સાથે મોટી સંખ્યામાં જોડાયા લોકો

• અમરાઇવાડીનો આર્મી જવાન થયો શહીદ
• ITBPFમાં ફરજ બજાવતો આર્મી જવાન શહીદ
• ઘનશ્યામસિંહ શિકરવાર નામનો યુવાન શહીદ 

માતૃભુમિની રક્ષા કાજે સીમા પર ઉભા રહેનાર ITBPF જવાન ફરજ દરમ્યાન શહીદ થયા છે. ત્યારે તેઓનાં શહીદ થયાનાં સમાચાર પરિવારજનોને મળતા પરિવારજનોમાં ગમગીની છવાઈ જવા પામી હતી. ત્યારે આજે તેઓનાં પાર્થિવ દેહને અમદાવાદનાં અમરાઈવાડી ખાતે લાવવામાં આવ્યો હતો. તેમજ તેઓને ગાર્ડ ઓફ ઓનર સાથે શહીત ઘનશ્યામસિંહ શિકરવારની અંતિમ ક્રિયા કરવામાં આવી હતી.

અંતિમ યાત્રામાં  મોટી સંખ્યામાં લોકો જોડાયા
મળતી માહિતી મુજબ અમદાવાદનાં અમરાઈવાડી ખાતે રહેતા  ઘનશ્યામસિંહ શિકરવાર નામનો યુવક ITBPFમાં ફરજ બજાવતો હતો. ત્યારે ફરજ દરમ્યાન તેઓ શહીદ થતા તેઓનાં પાર્થિ દેહને અમદાવાદ અમરાઈવાડી તેઓનાં ઘરે લાવવામાં આવ્યો હતો.જેને લઈને તેઓનાં પરિવારજનો તેમજ મિત્ર વર્તુળમાં કલ્પાંત સર્જાયું હતું. ત્યારે આર્મીનાં જવાનો તથા પરિવારજનોની ઉપસ્થિતિમાં યુવકનાં મૃતદેહને તિરંગામાં લપેટીને લાવવામાં આવ્યો હતો. ત્યારે અંતિમ યાત્રામાં અમરાઈવાડી વિસ્તારનાં તેઓનાં ઘરેથી નીકળી હતી. જેમાં મોટી સંખ્યામાં લોકો જોડાયા હતા.