- કોલેજો-યુનિવર્સિટીમાં રેગિંગ મુદ્દે સુનાવણી
- ગુજરાત હાઇકોર્ટે માગી સ્પષ્ટતા
- રેગિંગ મુદ્દે સરકારે શું પગલાં લીધા?: HC
રાજ્યની કોલેજોમાં રેગિંગની ઘટનાઓ વારંવાર જોવા મળતી હોય છે. શૈક્ષણિક સંસ્થાઓમાં રેગિંગની ઘટનાને લઈને હાઇકોર્ટમાં સુનાવણી હાથ ધરવામાં આવી હતી. જેમાં હાઈકોર્ટે તારણ નીકાળ્યું કે, રેગિંગની ફરિયાદો પર સરકાર પગલાં લેવામાં નિષ્ફળ રહી તેમજ સરકારને પ્રશ્ન કર્યો હતો કે, રેગિંગ મુદ્દે સરકારે શું પગલાં લીધા?
કોલેજો-યુનિવર્સિટીમાં રેગિંગ મુદ્દે હાઇકોર્ટમાં સુનાવણી
ગુજરાત હાઇકોર્ટમાં સુઓમોટો અરજી પર સુનાવણી ધરવામાં આવી હતી. હાઈકોર્ટે રેગિંગ મુદ્દે સરકારે શું પગલાં લીધા? તેનો જવાબ માગ્યો હતો. હાઇકોર્ટે સરકાર પાસે સ્પષ્ટતા માગી હતી જે મુદ્દે સરકારે જવાબ રજૂ કર્યું હતું. સરકારે કહ્યું કે, રેગિંગના કારણે અનેક યુવાન-યુવતીઓએ જીવ ગુમાવ્યો છે. સરકારને 3 મેના રોજ વિગતવાર જવાબ રજૂ કરવા હાઈકોર્ટે આદેશ કર્યો છે.
(1).jpg)
અગાઉ 16 માર્ચે પણ સુનાવણી હાથ ધરાઈ હતી
16 માર્ચે સુનાવણી દરમિયાન હાઈકોર્ટે સરકારને કેટલાક સવાલો પૂછ્યા હતા કે, રેગિંગની ઘટનાઓમાં સરકારની ભૂમિકા શું હોય છે? આવી ઘટનામાં ફરિયાદો કોને કરવાની? આવી ઘટનાઓને અંકુશિત કોણ કરે છે? કોર્ટે એવી ટકોર કરી હતી કે, રેગિંગના કારણે રાજ્યના અનેક યુવાન-યુવતીઓએ પોતાનો જીવ ગુમાવ્યો છે પરતું સરકારે તેના પર કોઇ નિયમો ઘડ્યા કેમ નથી? આ ઉપરાંત ગુજરાત હાઈકોર્ટે રેગિંગની ફરિયાદો પર લીધેલા પગલાંની સરકાર પાસે સ્પષ્ટતા માંગી હતી.
સિનિયરોના ત્રાસથી 2 યુવકોએ કર્યો હતો આપઘાત
અત્રે ઉલ્લેખનીય છે કે, રાજ્યની કોલેજોમાં રેગિંગની ઘટનાઓ બની રહી છે. થોડા સમય પહેલા સિનિયરોના રેગિંગના ત્રાસથી મેડિકલમાં અભ્યાસ કરતા બે યુવાનોએ આપઘાત કરી લીધો હતો. અમદાવાદ સિવિલ હોસ્પિટલના રેસિડન્ટ ડોક્ટર પાસે સિનિયર ડોક્ટરો ઘરના કામ કરાવતા હતા તેમજ પરીક્ષા હોવા છતાં નાઇટ શિફ્ટ આપવા દબાણ કરતા હોવાથી વિદ્યાર્થીએ આપઘાત કરી લીધો હતો. આવો જ બનાવ સુરતમાં પણ બન્યો હતો.
