તમારા કામનું / હેલ્થ ઇન્સ્યોરન્સનો કરી રહ્યાં છો પ્લાનિંગ? તો પહેલાં જાણી લેજો તેના નિયમ અને ફાયદા, રહેશો ફાયદામાં

• કોણ ક્યારે બિમાર પડી જાય તેના વિશે કંઈ કહી ના શકાય
• હેલ્થ ઈન્શ્યોરન્સના ફાયદા સમજવા જરૂરી
• હેલ્થ ઈન્શ્યોરન્સ લેતા સમયે આ બાબતોનું પણ ધ્યાન રાખવું

આજની ભાગદોડવાળી જીંદગીમાં કોણ ક્યારે બિમાર પડી જાય તેના વિશે કંઈ કહી ના શકાય. ઘણી વાર વ્યક્તિ ગંભીર બિમારીની ચપેટમાં આવી જવાને કારણે હોસ્પિટલમાં દાખલ થવું પડી શકે છે અને મોટો ખર્ચ પણ આવી શકે છે. જો તમારી પાસે હેલ્થ ઈન્શ્યોરન્સ ના હોય તો બધો ખર્ચો જાતે જ કરવો પડે છે. અનેક લોકો પાસે પૈસા હોતા નથી. હેલ્થ ઈન્શ્યોરન્સના ફાયદા સમજવા જરૂરી છે અને હેલ્થ ઈન્શ્યોરન્સ લેતા સમયે કેટલીક ખાસ બાબતોનું પણ ધ્યાન રાખવું જોઈએ. 

હેલ્થ ઈન્શ્યોરન્સ ખરીદવાના ફાયદા

• હેલ્થ ઈન્શ્યોરન્સ ખરીદવાથી પોતાના ખિસ્સામાંથી ખર્ચો કરવો પડતો નથી. બધો ખર્ચો હેલ્થ ઈન્શ્યોરન્સમાંથી જ થાય છે. 
• હોસ્પિટલમાં દાખલ થવું પડે, ઈલાજ, દવાનો ખર્ચ, ડોકટરની ફી તમામ વસ્તુ હેલ્થ ઈન્શ્યોરન્સમાં કવર થઈ જાય છે. 

હેલ્થ ઈન્શ્યોરન્સ ખરીદતા સમયે આ બાબતોનું રાખો ખાસ ધ્યાન

• હેલ્થ ઈન્શ્યોરન્સ ખરીદતા સમયે જાણી લેવું જોઈએ કે, હોસ્પિટલાઈઝેશન પહેલા અને પછી કેટલો ખર્ચો કવર કરવામાં આવે છે. હેલ્થ ચેકઅપની સુવિધા છે કે, નહીં અને વેઈટિંગ પીરિચડ કેટલો હોય છે, તે જાણી લેવું જોઈએ. 
• તમામ કંપનીના હેલ્થ ઈન્શ્યોરન્સ પ્લાનની સરખામણી કર્યા પછી જ હેલ્થ ઈન્શ્યોરન્સ લેવો. ઓનલાઈન અને ઓફલાઈન કંપનીના હેલ્થ ઈન્શ્યોરન્સ પ્લાનની સરખામણી કરવી કે, કયા પ્લાનમાં કેટલા પ્રીમિયમમાં શું ફાયદો મળી રહ્યો છે. આ પ્રકારે કરવાથી પૈસા બચી શકે છે તથા અન્ય ફાયદા પણ મળી શકે છે. 
• અનેક લોકો સમજ્યા વિચાર્યા વગર હેલ્થ ઈન્શ્યોરન્સ ખરીદે છે. આ પ્રકારે બિલ્કુલ ના કરવું જોઈએ. હેલ્થ ઈન્શ્યોરન્સના ફાયદા, પ્રીમિયમ અને કવરેજ વિશે સમજવું જોઈએ. હેલ્થ ઈન્શ્યોરન્સના નિયમ અને શરતો એકવાર જરૂરથી વાંચી લેવા, જેથી ભવિષ્યમાં કોઈ તકલીફ ના થાય. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાંત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)